1 Kɔrɛnti 15:19 - ALLALA KUMƐ

¹⁹ Ni ma yigi sanɛ Kirasiti kuma ma tenbi duninya kɛ rɔ ka dan wo ma, nba, kinikinitoe le male la ka tenbi mɔgɛ bɛɛ la duninya kɛ rɔ.

1 Kɔrɛnti 15:19 ပူးပေါင်းရင်းမြစ်များ

Yaburi 17:14

I ni nde lakisi bana wonu ma, fen bi min bolo duninya kɛ dɔrɔn tɔ. Tɔrɔya-dagɛ min siginɛ i bolo, anu tɔrɔ wo la. Tɔrɔyɛ wo kana dan anu denu dɔrɔn ma. Hali anuna dannu anubɛ anu mamanɛnu ni do sɔrɔn a rɔ.

Makawandili Kumɛnu 6:11

I ye tola sɔsɔli sala nya min, i la ye tola fɛyala wo nya na le, ado ala ban si gbɛlɛya i kuma.

Makawandili Kumɛnu 9:9

Wobɛ i diyana-musi ni taran wo diya tolon! I ni to kɛnu kun na i siyi-tele-bɛɛ kɔrɔ bawo duninya ragbɛlɛ. Mɔgɛ ni to a nyɛrɛ ladiyala tele-ragbɛlɛyani kɛnu tɔ bawo tɔnɛ dama-damɛ le wo la.

Matiyu 24:9

“Wo kɔma, mɔgɛnu si wo bira ka wo ladon tɔrɔyɛ rɔ. Anu si wo faga. Mɔgɛ bɛɛ si wo kɔn ndela ko la.

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Luka 8:14

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya hɔn-koe anubɛ nɔnfulu-keni anubɛ duninya diyana-ko-su bɛɛ ya a ma, kumɛ wo fagara a yisi rɔ feu! Ko ti bɔ ala dɛnkɛninyɛ rɔ hali!

Yɔni 16:2

Wo yogenu si wo gben anuna dina-bɔnnu na, ado wo wati si na, wo fagalɛnu si anu miri ko anu bi Allala wɔli le kɛ tinɛ.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

2 Timoti 2:4

Kɛlɛ-den-nyimɛ ye a fɛ ka ala kun-tigi hɛnɛ min kɛ, woletɔ kɛlɛ-den ma minnu na, a ti basan wonuna koe la.

2 Timoti 3:12

ado ni min bɛɛ ye a fɛ ka ma Allata mɔgɛ la Kirasiti Yisa fɛ, wo tigi si gbɛlɛyɛ sɔrɔn.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”