1 Kɔrɛnti 15:17 - ALLALA KUMƐ

¹⁷ Ni Kirasiti la ma wuli, wola dɛnkɛninyɛ ara ma fuyi la worɔ, ado ha bi, wo ye wo hakɛ rɔ.

1 Kɔrɛnti 15:17 ပူးပေါင်းရင်းမြစ်များ

Isikiyɛli 33:10

Mari ya a fɔ n ye ko, “Ile hadama-dan, Isirɛla mɔgɛnu bi min fɔla, ile ni anu hɛnkili bila wonu na tun. Anu bi a fɔla ko anu kɔndɔfilinɛ anu hakɛla ko la. Anu bi a fɔla fanan ko anu bi tola kasarala anuna hakɛla ko la. Anu ko anu si ke belila kama gbɛ?

Kɛwɔlɛnu 5:31

Alla ya a lawuli ka a sigi a kɔɛn-nyimɛ rɔ ka a ma kun-tigi anubɛ kisilɛ la. A ya wo ma alako Isirɛla mɔgɛnu ni fɛrɛ sɔrɔn tubi-koe la. Anu ba wo ma, Alla si anu makoto anu hakɛ ma.

Romu 4:25

Yisa fagara alako ma hakɛnu ma ni koto. A wulita alako ma la ni telen Alla ye.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

1 Kɔrɛnti 15:14

Nba, ni Kirasiti la ma wuli ka bɔ furinu tɛma, kawandili-kun sa ma bolo worɔ, ado wo dɛnkɛninya-kun sa fanan.

1 Kɔrɛnti 15:16

ado ni furinu na ti wuli, nba, Kirasiti la ma wuli worɔ.

1 Kɔrɛnti 15:2

Ni wo ya a bira iko n bara wo makawandi nya min nun, wo si kisi kibara-nyimɛ wo fɛ. Kɔnɔ ni wola dɛnkɛninyɛ mara fuyi la, wo si baya.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.