1 Kɔrɛnti 15:13 - ALLALA KUMƐ

¹³ Ni tonyɛ le wo la, wo kɔrɛ le ko Kirasiti la ma wuli worɔ.

1 Kɔrɛnti 15:13 ပူးပေါင်းရင်းမြစ်များ

Kɛwɔlɛnu 23:8

Ado nfan, Sadusinu ko furinu ti wuli ka bɔ sayɛ rɔ. Anu ko melika sa, ado niyi sa. Kɔnɔ Farisinu lara wo ko sawɛ bɛɛ la.)

Romu 8:11

Allata Ni-Sɛnimɛ ya ale Yisa lawuli ka bɔ furinu tɛma. Ni ata Niyi siginɛ wo rɔ, ale le si niyi di wo bagbu-faganɛ fanan ma Allala Ni-Sɛnima wo baraka rɔ.

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

1 Kɔrɛnti 15:12

Nba, ma ye kawandilɛ kɛ bɔla min kɛ ko Kirasiti la ara wuli ka bɔ furinu tɛma, nfenna wo donu bi a fɔla ko furinu na ti wuli?

1 Kɔrɛnti 15:14

Nba, ni Kirasiti la ma wuli ka bɔ furinu tɛma, kawandili-kun sa ma bolo worɔ, ado wo dɛnkɛninya-kun sa fanan.

1 Kɔrɛnti 15:20

Kɔnɔ tonyɛ ye min na, Alla ya Kirasiti fɔlɔn nawuli ka bɔ furinu tɛma alako ka a yira ko minnu bɛɛsi ara saya, wonu fanan na si wuli,

1 Tɛsalonaika 4:14

Ma lanɛ a la ko Yisa fagara, wo kɔma, a wulita tun. Woletɔ Alla wa Yisa lana tun, ma lanɛ a la ko minnu dɛnkɛninyara Yisa ma anu bi anu kɛndɛ la tumɛ min, Alla si wonubɛ Yisa lana ka bɔ san-kole rɔ anu nyɔgɔn fɛ.

2 Timoti 4:8

Nba kaka, nta duwɛ ye n makɔnɔna. Anu si mansa-telenbagɛta fulɛ di n ma. Duninya-kiti-tɛgɛ-latelennɛ si wo di n ma tele wo ma, Mari, kɔni. A ti a di nde dɔrɔn ma fɔ min bɛɛ ye ale Mari kenina ka a na-koe makɔni.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.