1 Kɔrɛnti 14:4 - ALLALA KUMƐ

⁴ Min bi kan-gbɛrɛ fɔla, wo ye a nyɛrɛ le dɔrɔn dɛnbɛna kɔnɔ min bi Allala kumɛ fɔla, wo ye chɔchi bɛɛ le dɛnbɛna.

1 Kɔrɛnti 14:4 ပူးပေါင်းရင်းမြစ်များ

Maraka 16:17

Tamasere-sɛnbɛmɛ kɛnu si taran dɛnkɛninya-mɔgɛnu fɛ. Anu si nyinɛnu gben n tɔgɛ rɔ. Anu si kan-gbɛrɛnu fɔ.

Romu 14:19

Nba, koe minnu si yisi-kimɛ lana anubɛ minnu si ma nyɔgɔn sɛnbɛ don, fɔ ma ni to wonu mala tuma-wo-tuma.

1 Kɔrɛnti 12:10

Ata Ni-Sɛnimɛ si kabana-ko-wɔli-sɛnbɛ di mɔgɛ do ma ka kawandili-labɔ-sɛnbɛ di mɔgɔ-gbɛrɛ ma. Fandɛ minnu bɔra Allata Ni-Sɛnimɛ bolo anubɛ minnu ma bɔ a bolo, wonu dan-nafarɛ-lɔn-sɛnbɛ dinɛ mɔgɔ-gbɛrɛ ma. Kan-gbɛrɛ-fɔ-sɛnbɛ dinɛ mɔgɛ do ma. Kan wo latenbi-sɛnbɛ dinɛ mɔgɔ-gbɛrɛ fanan ma,

1 Kɔrɛnti 12:28

Alla ara bɛɛta wɔlɛ di a ma chɔchi la, a fɔlɔtɛ, kilayɛnu, a fila nyɔgɛ, wɔlɔyiya-kuma-fɔlɛnu, a sawa nyɔgɛ, karan-mɔgɛnu, wo kɔma, kabana-ko-kɛlɛnu anubɛ lakɛndɛyali-sɛnbɛ dinɛ minnu ma anubɛ minnu si ke bolo-kolɔnnu dɛnbɛna, minnu si ke kun-tigiyɛ kɛla, ni wo ma, ka kan-gbɛrɛnu fɔ.

1 Kɔrɛnti 13:1

Hali n kumara kan-su-bɛɛ rɔ minnu bi san-kole rɔ anubɛ dugu-kole kɛ kuma kɔnɔ ni keninteya sa n yisi rɔ, n bara ma iko nɛgɛ-walan, ni wo ma, tɛlɛn-gbesi-kan.

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

1 Kɔrɛnti 14:12

Nba, wole fanan bi wo nya na le. Wo hɔnnɛ Allata Ni-Sɛnimɛta fandɛ fanan na min kɛ, a fisa, wo ni wo raya ka wonu sɔrɔn min si chɔchi dɛnbɛ.

1 Kɔrɛnti 14:22

Woletɔ kan-gbɛrɛ-fɔɛ ye dɛnkɛninyabɛlɛnuna ko la, dɛnkɛninya-mɔgɛnu ma de! Kɔnɔ Allala-kuma-fɔɛ ye dɛnkɛninya-mɔgɛnuna ko la, dɛnkɛninyabɛlɛnu ma de!

1 Kɔrɛnti 14:26

N na-kelen-nyɔgɛnu, n bi nfen ma kɛ la? Wo wa wo ladɛn Alla bato tinɛ, a fɛrɛ sa fɔ koe bɛɛ ni ma chɔchi-dɛnbɛn-koe la. Bɛti do ye mɔgɔ kelen bolo, mɔgɛ do ye karan kɛla, dogbɛrɛ ye ko-rayirɛ kɛla ka bɔ Alla bolo, dogbɛrɛ ye kumala kan-gbɛrɛ rɔ, mɔgɔ-gbɛrɛ ye a kan latenbila ka a kɔrɛ fɔ.

1 Kɔrɛnti 14:3

Kɔnɔ min bi Allala kumɛ fɔla, wo ye kumala mɔgɛnu denu ye. Kumɛ wo si mɔgɛnu dɛnbɛ ka anu sɛnbɛ don anubɛ ka anu yisi kimɛ.

1 Kɔrɛnti 14:5

Ni wo dama si ke kan-gbɛrɛ fɔla, wo si a diya don n tɔ. Kɔnɔ min di n ye wo ko, wo le, ko wo dama ni Allala-kuma-fɔ-fandɛ sɔrɔn, ado Allala-kuma-fɔɛ tenbira kan-gbɛrɛ-fɔɛ la. Kɔnɔ ni mɔgɔ do taranta nyɔ min si a kan latenbi alako chɔchi-mɔgɛ bɛɛ ni dɛnbɛnɛ sɔrɔn wo fɛ, nba, wo fisa.