1 Kɔrɛnti 14:37 - ALLALA KUMƐ

³⁷ Ni mɔgɔ-wo-mɔgɔ ye a mirila ko Allala kilayɛ le ale la, ado ni min ko Allata Ni-Sɛnimɛta fandɛ ye a bolo, ale nyɛrɛ ni a lɔn ko n bi min sɛbɛla wo ma, Marita tɔn le wo la.

1 Kɔrɛnti 14:37 ပူးပေါင်းရင်းမြစ်များ

Yilan-Yilan Koe 24:16

N bara wula-yanna-koe ragbɛ. N bara Alla kuman-kan nya-yen. N bara hɛnkili sɔrɔn ka bɔ Alla Min Bi Fan Bɛɛ Kun Na. Alla Sɛnbɛ-Bɛɛ-Tigi ara ko-rayirɛ kɛ n ye. N bara n sa dugi ma Alla kɔrɔ. N yɛ la ara ka. Nde le nyɛrɛ ye kɛ fɔla wo ye yati!

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

1 Kɔrɛnti 14:29

Mɔgɔ fila, ni wo ma, sawa minnu bi Allala kumɛ fɔla, wonu ni kuma kɔnɔ anu tenbi kumala, a toenu ni wo lakɔrɔsi.

1 Kɔrɛnti 14:36

Allala kibara-nyimɛ da ma bira wole Kɔrɛnti kɛnu barɛ, ado a ma na wole dɔrɔn ma.

1 Kɔrɛnti 14:38

Kɔnɔ ni a ma a tole masɔ nna kumɛ kɛ la, wo fanan kana wo tole masɔ a la.

1 Kɔrɛnti 2:15

Ata Ni-Sɛnimɛ ye min bolo, wo si ke ka koe bɛɛ lakɔrɔsi kɔnɔ a sa min bolo, wo ti ke hali ale Ni-Sɛnima-tigi wo lakɔrɔsila.

1 Kɔrɛnti 3:1

N na-kelen-nyɔgɛnu, n ma ke kumala wo ye iko n si kuma wonu ye minnu bi Allata Ni-Sɛnimɛ kɔrɔ nya min. Fɔ n ni kuma wo ye iko mɔgɛ min bilanɛ duninya kɛ fɛ anubɛ den-pulannu dɛnkɛninyɛ rɔ.

1 Kɔrɛnti 7:25

Nba, kemini-pose, anubɛ sunkurun-posenu, a bɛnta, wole si min ma, Alla ma wo fɔ n ye kɔnɔ n si nta miriya fɔ wo ye, ado Marita kinikini-wɛ ara a ma, n ba kumɛ min fɔ, mɔgɛnu si ke lala wo la.

1 Kɔrɛnti 7:40

Hali wo, ndeta miriya rɔ, musi wo si sewa ni a ma sigi kei wara tun, ado n lanɛ a la ko Allala Ni-Sɛnimɛ le ye n nabilala kɛ la.

1 Kɔrɛnti 8:2

Minnu miri ko anu hɛnkili waranɛ, wonu ma fenfen lɔn iko a bɛnta, anu ni a lɔn nya min.

2 Kɔrɛnti 10:12

Nba, minnu bara anu nyɛrɛ ma fen na, ma ti sisi ma nyɛrɛ sankala wonu ma. Anu hɛnkili sa mumɛ! Anu bi anu nyɛrɛ sankala anu nyɔgɔn ma! Anu miri a ma ko min telenta anu nyɛrɛ yala, anu bi anu nyɛrɛ kitila wonu denu fɛ.

2 Kɔrɛnti 10:7

Wo ni koe kɛnu mafɛlɛn a kila-bɛrɛbɛrɛ fɛ. Wo mirinɛ ko Kirasititɛ le wole la, nyɛ? Nba, wo hɛnkili ni to kɛ fanan ko ko Kirasitita mɔgɛ le male fanan na iko wo ye nya min.

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

Kalesiya 6:8

Ni a bilara fɛrɛ-bɔnku-nata fɛ ka ko-yogomɛ kɛ, a si ko-yogoma-kɛ-sarɛ sɔrɔn min si a laban sayɛ ma a bolo. Ni a ya ko-nyimɛ le kɛ Allata Ni-Sɛnimɛ baraka rɔ, a si habadan-nimayɛ le sɔrɔn ka bɔ ata Ni-Sɛnimɛ bolo.

2 Pita 3:2

Nɛbi-sɛnimɛnu ya kumɛ minnu fɔ kebi fɔlɔ, n bi a fɛ, wo ni wo hɛnkili to wonu ko. Tɔn minnu bɔra mata Kisilɛ anubɛ Mari bolo fanan, wo hɛnkili ni to wonu bɛrɛn ko. Kilayɛnu ya wonu natenbi wo ma.

1 Yɔni 4:6

Kɔnɔ Allatɛ le male la. Ma si dan-nafarɛ lɔn tonya-niyi anubɛ foninya-niyi tɛma kɛ le fɛ—min ya Alla lɔn, wo si a tole masɔ male la. Allata ma min na, wo ti a tole masɔ ma la.

Yude 1:17

Kɔnɔ n diyana-mɔgɛnu, wo ni wo miri de! Ma Mari Yisa, Allata-Mɔgɔ-Yabɔnɛla kilayɛnu ya min fɔ wo ye fɔlɔ, wo ni wo miri wo ma.