1 Kɔrɛnti 14:3 - ALLALA KUMƐ

³ Kɔnɔ min bi Allala kumɛ fɔla, wo ye kumala mɔgɛnu denu ye. Kumɛ wo si mɔgɛnu dɛnbɛ ka anu sɛnbɛ don anubɛ ka anu yisi kimɛ.

1 Kɔrɛnti 14:3 ပူးပေါင်းရင်းမြစ်များ

Luka 3:18

Yɔni ya kawandilɛ siyaman bɔ kibara-nyimɛ lake tinɛ mɔgɛnu ma.

Kɛwɔlɛnu 13:15

Dina-bon-kun-tiginu banta Musata tɔn anubɛ nɛbinuta buku karanna tumɛ min, anu ya Pɔli anubɛ Banabasi manyinika. Anu ko, “Ma na-kelen-nyɔgɛnu, ni kumɛ do ye wo bolo min si ma dɛnbɛ, wo ni wo fɔ ma ye.”

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Kɛwɔlɛnu 15:32

Yudasi anubɛ Sailasi minnu bi nɛbiyɛ la anu tɛma, wonu mɛra kumala Marita mɔgɛnu ye ka anu makawandi ka anu sɛnbɛ don.

Kɛwɔlɛnu 4:36

Lifayi bɔnsɔn-mɔgɛ do ye nyɔ nun min sɔrɔnta yi-tɛma-dugi do rɔ min tɔgɛ Saiparasi. A tɔgɛ Yusufu. Yisata kilayɛnu ya a kele ko Banabasi. (Tɔgɛ wo kɔrɛ le ko, “Min si mɔgɛ yisi-kimɛ.”)

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 12:8

Ni mala sanbɛ le ka donu sɛnbɛ don, ma ni wo ma. Ni nɔnfuli ye min bolo ka donu kɔ, ma ni wo ma ma yisi bɛɛ la. Ni mata sanbɛ le kun-tigiyɛ la, ma ni wo kɛ a kilɛ fɛ. Ni mata sanbɛ le ko-nyima-kɛ la, ma ni a kɛ sewɛ la.

Romu 14:19

Nba, koe minnu si yisi-kimɛ lana anubɛ minnu si ma nyɔgɔn sɛnbɛ don, fɔ ma ni to wonu mala tuma-wo-tuma.

Romu 15:2

Ma kelen-kelennamɛ-bɛɛ ni ko-nyimɛ kɛ ma na-kelen-nyɔgɛnu ye min si anu hɛnɛ alako anu ni sabati dɛnkɛninyɛ rɔ,

1 Kɔrɛnti 10:23

Anu bi a fɔla ko, “Male ye nyinina min ma, tɔn sa ma kuma wo ma tinɛ.” Tonyɛ le kɔnɔ koe bɛɛ ti ma munanfaga. Nde bɛrɛn si a fɔ ko, “N bi nyinina min ma, tɔn sa n kuma wonuna ko la.” Tonyɛ le kɔnɔ koe bɛɛ ti ma lata ya rɔ.

1 Kɔrɛnti 14:12

Nba, wole fanan bi wo nya na le. Wo hɔnnɛ Allata Ni-Sɛnimɛta fandɛ fanan na min kɛ, a fisa, wo ni wo raya ka wonu sɔrɔn min si chɔchi dɛnbɛ.

1 Kɔrɛnti 14:17

Hali ila baraka-birɛ kin nya bɛɛ ma Alla yala, mɔgɔ-gbɛrɛ ti dɛnbɛnɛ sɔrɔn wo rɔ hali!

1 Kɔrɛnti 14:26

N na-kelen-nyɔgɛnu, n bi nfen ma kɛ la? Wo wa wo ladɛn Alla bato tinɛ, a fɛrɛ sa fɔ koe bɛɛ ni ma chɔchi-dɛnbɛn-koe la. Bɛti do ye mɔgɔ kelen bolo, mɔgɛ do ye karan kɛla, dogbɛrɛ ye ko-rayirɛ kɛla ka bɔ Alla bolo, dogbɛrɛ ye kumala kan-gbɛrɛ rɔ, mɔgɔ-gbɛrɛ ye a kan latenbila ka a kɔrɛ fɔ.

1 Kɔrɛnti 14:31

Wo dama ni Allala kumɛ fɔ kelen-kelenyɛ ma. Wo le si a ma, wo dama ni karan, ado wo sɛnbɛ si koloya.

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

2 Kɔrɛnti 1:4

A ye ma dɛnbɛna mala tɔrɔyɛ bɛɛ rɔ, woletɔ male fanan si ke donu madɛnbɛna minnu bi tɔrɔyɛ-su-bɛɛ rɔ. Ma si ke anu dɛnbɛna wo dɛnbɛni-su la, male nyɛrɛ ara min sɔrɔn Alla bolo.

2 Kɔrɛnti 2:7

Nba kaka, wo ni a makoto ka a madɛnbɛ alako a yisi la kana fin ha a ni Yisata kilɛ boloka feu!

Ɛfɛsa 4:29

Wo kana kuma-dumanɛnu fɔ kuma tinɛ, fɔ mɔgɔ-dɛnbɛn-kumɛnu dɔrɔn! Wo si ko nyinya mɔgɛnu ma ka duwɛ lana wonu ma minnu bi anu tole masɔla wo kan la.

Ɛfɛsa 6:22

N bi a latala wo ma alako a ni ma damala koenu fɔ wo ye ka wo yisi-kima-kumɛ fɔ.

Kɔlɔsi 4:8

N bi a latala wo ma alako a ni ma wara-koe rakaran wo ye. Wo si wo yisi-kimɛ ma wara la.

1 Tɛsalonaika 2:11

Wo ya a lɔn ko ma ya wo kelen-kelennamɛ-bɛɛ bira iko denbɛnu si anuna dannu bira nya min.

1 Tɛsalonaika 2:3

Ma ya kibara-nyimɛ min nake, ma ma wo lake ka a tɛgɛ foninyɛ anubɛ ni-yogoyɛ ma. Ma ma ma raya ka mɔgɔ-wo-mɔgɔ yanfa.

1 Tɛsalonaika 3:2

ka ma na-kelen-nyɔgɛ Timoti lata wo ma. Mabɛ ale ye wɔlila ma nyɔgɔn fɛ Alla ye ka Kirasitita kibara-nyimɛ-kawandilɛ bɔ. Ma ya Timoti lata wo ma alako wo ni wo sɛbɛ don wola dɛnkɛninyɛ ma.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

1 Tɛsalonaika 4:18

Woletɔ wo ni wo nyɔgɔn yisi-kimɛ kumɛ kɛnu na.

2 Tɛsalonaika 3:12

Ma ye a fɔla wonu ye Mari Yisa tɔgɛ rɔ ko anu ni kɛ-nya-telennɛ kɛ. Anu ni anuta wɔlɛ kɛ alako anu ni anu nyɛrɛ beli-fan sɔrɔn nya min.

1 Timoti 1:4

Anu ni fara benba-namu anubɛ benba-tɔgɔ-siyaman-ratɛgɛ-koe la bawo wonu si sɔsɔlɛ dɔrɔn nawuli mɔgɛnu tɛma. Mɔgɛ si kisi nya min, wonu ta ti gbɛ mɔgɛ ye wonu fɛ, ado mɔgɛnu ti kisi dɛnkɛninyɛ kɔma.

1 Timoti 4:13

I ni to Allala kitabu karanna mɔgɛ bɛɛ yala. I ni to mɔgɛnu makawandila ka to anu karanna fanan. I raya wonu ma-tinɛ ha n ni na tumɛ min.

1 Timoti 6:2

Wole minnu bi dɛnkɛninya-mɔgɛnu kɔrɔ, wo kana wo tiginu nafɛya bawo wo na-kelen-nyɔgɛ le wonu na. Wo ni wɔli kɛ anu ye bɛrɛkɛ, bawo anu bi tɔnɛ sɔrɔnna wola wɔlɛ wonu fɛ, ado wo diyana-dɛnkɛninya-mɔgɛ le wonu na. I ni koe kɛnu karan ka mɔgɛnu makawandi.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Taita 1:9

A ni kiri lanaya-kumɛ wonu ma minnu bɛnnɛ karan-kɛndɛ ma. A si ke worɔ ka donu makawandi tonya-karan kɛ fɛ anubɛ minnu bi tonya-karan kɛ masɔsɔla, a ni wonu natelen.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

Taita 2:6

I ni kemini-fonikenu fanan makawandi wo nya na ko anu ni ma nyɛrɛ-mara-mɔgɛnu na.

Taita 2:9

Yɔɔnnu ni anu tiginuna kumɛ bira ka wonu hɛnɛ koe bɛɛ rɔ. Anu kana wonu sɔsɔ,

Hiburunu 10:25

Ma kana fara ma nyɔgɔn nadɛnna. Ma kana ma iko minnu ti ta ladɛn rɔ. Ma ni ma nyɔgɔn makawandi bɛrɛkɛ, ado bawo Mari na tele ara gbɛrɛn, a fisa, ma ni to ladɛn kɛla dɛɛ!

Hiburunu 13:22

N na-kelen-nyɔgɛnu, n bi wo madiyala, wo ni wo munyu ka wo tole masɔ makawandili-kumɛ kɛ la. N bara kɛdi min sɛbɛ wo ma kɛ, wo ma yan.

Hiburunu 3:13

Fananta ma ye a fɔla bi ma ko, “Bi,” wo ni to wo nyɔgɔn dɛnbɛna tele-wo-tele alako wo fenfen kana yanfa hakɛ bolo. Wo kana ma sɔndɔma-gbɛlɛ-tiginu na.

1 Pita 5:12

Sailasi ara n dɛnbɛ kɛdi-kundu-nɛ kɛ sɛbɛla wo ma, ado n bara ale yatɛ n na-kelen-nyɔgɛ lanaya-mɔgɛ la. N bi a fɛ ka wo makawandi anubɛ ka nta sereyɛ bɔ wo ye ko Allala hina-bɛrɛ le kɛ la. Wo ni wo sɔ a rɔ yiri!

Yude 1:20

Kɔnɔ wole, n diyana-mɔgɛnu, wo ni to sabatila wola dɛnkɛninya-sɛnimɛ rɔ. Wo ni madiyali kɛ Allata Ni-Sɛnimɛ baraka rɔ.