1 Kɔrɛnti 14:23 - ALLALA KUMƐ

²³ Nba, ni wole kan-gbɛrɛ-fɔlɛnu nadɛnta wo nyɔgɔn fɛ chɔchi burɔ ka kan-gbɛrɛ-fɔɛ dabira, mɔgɔ-kurɛ wa taran wo tɛma, ni wo ma, dɛnkɛninyabɛlɛ, a si a fɔ worɔ ko wo dama ara yuwaya.

1 Kɔrɛnti 14:23 ပူးပေါင်းရင်းမြစ်များ

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Luka 12:46

Nba, wɔli-kɛlɛ wo tigi si na wulɔn tele le ma, yɔ, ado a hɛnkili sa tele wo ko, a ma a na-wati lɔn mumɛ! A tigi si a ratɛgɛtɛgɛ ka anubɛ lanayabɛlɛnu don kan-tina-kelen.

Yɔni 10:20

Anu siyaman ya a fɔ ko, “Nyinatoe le! A ara yuwaya! Mɔgɔ si a tole masɔ wo la nfenna?”

Kɛwɔlɛnu 2:13

Kɔnɔ donu ya dɛnkɛninya-mɔgɛnu mayɛlɛn, anu ko, “Gbɛɛ le ara mɔgɛ kɛnu bira!”

Kɛwɔlɛnu 26:24

Pɔli ye a nyɛrɛ fɛkala tumɛ min, Sigisɔn-Mansa Fɛsitasi kumara a ma kan-mayɛlɛnɛ la ko, “Pɔli, i wara yuwaya. Ila karan-wɛ kɛ ye i layuwayala.”

1 Kɔrɛnti 11:18

A fɔlɔtɛ, mɔgɛnu bara a fɔ n ye ko wo wa wo ladɛn tumɛ min, dan-nafarɛ ye wo nyɔgɔn tɛma, ado n lanɛ a la ko tonyɛ ye wo donu tɔ,