1 Kɔrɛnti 14:20 - ALLALA KUMƐ

²⁰ N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

1 Kɔrɛnti 14:20 ပူးပေါင်းရင်းမြစ်များ

Nihɛmaya 4:13

Woletɔ n ya kɛlɛ-mirannu don wɔli-kɛlɛnu bolo, faan wo, tanba wo, kalabɛn wo. Kan tinɛ minnu na ma ban bɛ, n ya anu sigi tarɛ kɔma iko anu kebilɛ ye nya min.

Yaburi 119:99

N hɛnkili da-rakolo n karan-mɔgɛ bɛɛtɛ ko bawo ila karan ma bɔ n kunyɛ rɔ.

Aiseya 11:3

A si sewa Marita kuma-birɛ la. A wa mɔgɔ kiti, a ti mɔgɔ yiliki anu koe fɛ, ni wo ma, a yen-nya fɛ.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Matiyu 18:3

A ko, “Wo ni wo hɛnkili to kɛ ko! Ni wo ma wo nyɛrɛ kɛ-nya yɛlɛma ka ma iko dennɛnu, wo ti don Allata mansayɛ kɔrɔ min bi Arinyɛni na muk!

Matiyu 19:14

Yisa ko, “Wo ni sɔn dennɛnu ni na n bara. Wo kana anu mabeli bawo anu denu denuta ye Allala mansayɛ la Arinyɛni tɔ.”

Matiyu 19:4

Yisa ya anu yabi ko, “A sɛbɛnɛ Allata kitabu rɔ ko kebi duninya dabirɛ, Alla ya kei anubɛ musi dan. Wo ma wo karan bɛ, wa?

Maraka 10:15

Wo ni wo hɛnkili to kɛ ko! Ni min ti Allala mansayɛ rabira iko dennɛ, wo ti don a rɔ mumɛ!”

Luka 18:17

Wo ni wo hɛnkili to kɛ ko! Ni min ti Allala mansayɛ rabira iko dennɛ, wo ti don nyɔ rɔ mumɛ!”

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 16:19

Mɔgɛ bɛɛ ara wola lanaya-koe lamɔɛn kibara-nyimɛla ko la. Woletɔ n sewanɛ wola ko la. N bi a fɛ, wo ni ma hɛnkilimɛnu na ko-nyimɛ warala kɔnɔ wo ni ma mɔgɔ-magbalanɛnu na ko-yogomɛ warala.

1 Kɔrɛnti 13:11

N bi denniyɛ rɔ tumɛ min, n bi kumala le iko dennɛ, n bi n mirila iko dennɛ, n bi lakɔrɔsilɛ kɛla iko dennɛ. Kɔnɔ n ya hɛnkili sɔrɔn tumɛ min, nna ko sa denniya-koe wo fenfen tɔ tun.

1 Kɔrɛnti 14:19

Kɔnɔ n tenbi Alla batola chɔchi la, yanni n ni kuma waga-yirika-siyaman fɔ kan-gbɛrɛ rɔ, a fisa, n ni kuma loli pe fɔ mɔgɛnu si min nya-yen ka donu karan wo la.

1 Kɔrɛnti 2:6

Hali wo, wole minnu lanɛ Yisa la gben, n bi hɛnkili-su-do labɔla wo ye, duninya-hɛnkili ma min na. Duninya kɛ kun-tigi minnu bi nala tenbila, hɛnkili kɛ sa iko anutɛ ye nya min.

Ɛfɛsa 4:13

Wɔlɛ kɛ ni to tala yarɔ ha ma dama ni to kan kelen tɔ dɛnkɛninyɛ fɛ ka Allata den Yisa wara-koe lɔn. Ma si ma mɔgɔ-kanbalinɛnu na worɔ ka to koloyala ha Kirasiti ni taran ma yisi rɔ a nya-bɛrɛbɛrɛ ma.

Filipai 1:9

Nta madiyalɛ le kɛ la ko wola keninteyɛ ni to koloyala dɛɛ! Wo ni lɔnnɛ anubɛ hɛnkili-kanbalinɛ sɔrɔn wo bɛɛ rɔ.

Filipai 3:15

Male min dama kanbalinɛ Kirasiti rɔ, a bɛnta miriya wo ni taran ma dama bolo, ado ni miriya-dogbɛrɛ ye mɔgɛ do bolo, alamɛ Alla ya wo labɔ gbɛ rɔ wo tigi ye.

1 Pita 2:2

Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.