1 Kɔrɛnti 14:2 - ALLALA KUMƐ

² Min bi kan-gbɛrɛ fɔla, wo sa kumala mɔgɔ ye fɔ Alla bawo mɔgɔ sa a kan lamɔɛnna. A ye gbundu-koenu denu fɔla Allata Ni-Sɛnimɛ baraka la wo la.

1 Kɔrɛnti 14:2 ပူးပေါင်းရင်းမြစ်များ

Ko-Dabirɛnu 11:7

Wo na, ma ni yigi anu bara ka anu kan yabasan alako anu kana anu nyɔgɔn kan lamɔɛn.”

Ko-Dabirɛnu 42:23

Hali kan-natenbilɛ ye anu tɛma nun kɔnɔ anu ma a lɔn ko anu bi min fɔla, Yusufu ara wonu namɔɛn.

2 Mansɛnu 18:26

Wo kɔma, Ilayakim anubɛ Sɛbana anubɛ Yowa ya a fɔ Asiriya mansɛla kandɛ wo ye ko, “I yandi, kuma ma ye Aramaki kan rɔ. Ma si wo ragbɛ le. I kana kuma ma ye mata Hiburu-kan rɔ alako mɔgɛ minnu bi tarɛ kuma san ma, wonu kana na ma kan ragbɛ.”

Yaburi 78:2

N bi nala hɛnkilimaya-kumɛnu fɔla minnu bi ko-dogonni-kɔrɛnu takaranna wo ye.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Maraka 16:17

Tamasere-sɛnbɛmɛ kɛnu si taran dɛnkɛninya-mɔgɛnu fɛ. Anu si nyinɛnu gben n tɔgɛ rɔ. Anu si kan-gbɛrɛnu fɔ.

Maraka 4:11

Yisa ya a fɔ anu ye ko, “Allala mansayɛ gbundu-ko-hɛnkilimayɛ dira wole ma. Kɔnɔ n si a fɔ doinu ye tilinu tɔ.

Kɛwɔlɛnu 10:46

Anu ya kan-gbɛrɛnu-fɔɛ fanan namɔɛn anu bi Alla tantola ala sɛnbɛ-bala ko la nya min. Pita kumara tun, a ko,

Kɛwɔlɛnu 19:6

Pɔli ya a bole sa anu kuma tumɛ min, anu fanan ya Allata Ni-Sɛnimɛ sɔrɔn. Anu kumara kan-gbɛrɛnu tɔ ka wɔlɔyiya-kumɛ fɔ iko fɔlɔ-mɔgɛnu.

Kɛwɔlɛnu 22:9

N ta-nyɔgɛ wonu ya waan yen kɔnɔ anu ma kuman-kan lamɔɛn.

Romu 16:25

Ma ni gbiliyɛ di Alla ma bawo ale le si ke ka wo lasɔ wola dɛnkɛninyɛ rɔ yiri iko Yisa, Allata-Mɔgɔ-Yabɔnɛ wota kibara-nyimɛ ye nya min, n bi min nakela wo ma, kɔni, ado tonyɛ kɛ dogonnɛ wo ma nun kebi fɔlɔ

1 Kɔrɛnti 12:10

Ata Ni-Sɛnimɛ si kabana-ko-wɔli-sɛnbɛ di mɔgɛ do ma ka kawandili-labɔ-sɛnbɛ di mɔgɔ-gbɛrɛ ma. Fandɛ minnu bɔra Allata Ni-Sɛnimɛ bolo anubɛ minnu ma bɔ a bolo, wonu dan-nafarɛ-lɔn-sɛnbɛ dinɛ mɔgɔ-gbɛrɛ ma. Kan-gbɛrɛ-fɔ-sɛnbɛ dinɛ mɔgɛ do ma. Kan wo latenbi-sɛnbɛ dinɛ mɔgɔ-gbɛrɛ fanan ma,

1 Kɔrɛnti 12:28

Alla ara bɛɛta wɔlɛ di a ma chɔchi la, a fɔlɔtɛ, kilayɛnu, a fila nyɔgɛ, wɔlɔyiya-kuma-fɔlɛnu, a sawa nyɔgɛ, karan-mɔgɛnu, wo kɔma, kabana-ko-kɛlɛnu anubɛ lakɛndɛyali-sɛnbɛ dinɛ minnu ma anubɛ minnu si ke bolo-kolɔnnu dɛnbɛna, minnu si ke kun-tigiyɛ kɛla, ni wo ma, ka kan-gbɛrɛnu fɔ.

1 Kɔrɛnti 13:1

Hali n kumara kan-su-bɛɛ rɔ minnu bi san-kole rɔ anubɛ dugu-kole kɛ kuma kɔnɔ ni keninteya sa n yisi rɔ, n bara ma iko nɛgɛ-walan, ni wo ma, tɛlɛn-gbesi-kan.

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

1 Kɔrɛnti 14:16

I wa baraka bira Alla ye i sɔndɔmɛ la ladɛn kuma, minnu ma kan wo lɔn, wonu si a fɔ kama ko, “Amina?” I ye min fɔla, anu ma wo lɔn.

1 Kɔrɛnti 14:26

N na-kelen-nyɔgɛnu, n bi nfen ma kɛ la? Wo wa wo ladɛn Alla bato tinɛ, a fɛrɛ sa fɔ koe bɛɛ ni ma chɔchi-dɛnbɛn-koe la. Bɛti do ye mɔgɔ kelen bolo, mɔgɛ do ye karan kɛla, dogbɛrɛ ye ko-rayirɛ kɛla ka bɔ Alla bolo, dogbɛrɛ ye kumala kan-gbɛrɛ rɔ, mɔgɔ-gbɛrɛ ye a kan latenbila ka a kɔrɛ fɔ.

1 Kɔrɛnti 15:51

Wo ni wo tole masɔ gbundu-koe kɛ la. Ma dama ti faga kɔnɔ buru-laban wa fɛ, ma dama si yɛlɛma tiriya iko ya-makeri kelan, ado buri wa fɛ tumɛ min, furinu na si wuli ka bagbuyi sɔrɔn min si to tolon! Male min tonɛ ma niyi la, Alla si bagbu-kurɛ di ma ma min si to burubukai!

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

1 Kɔrɛnti 2:7

Kɔnɔ n bi hɛnkili min nabɔla, Allala gbundu-ko-hɛnkili le wo la, min dogonnɛ mɔgɛnu ma kɔrɔma la, ado yanni duninya ni dan, Alla ara ban a latɛgɛla nun ko hɛnkili wo si gbiliyɛ lana ma ma.

Ɛfɛsa 6:19

Wo ni Alla matara nde, Pɔli ye fanan ko n ba wuli kumala tumɛ min, Alla ni kumɛ don n da rɔ. Wo ni ma alako n ni kuma yisi-latɛgɛ rɔ ka kibara-nyimɛ gbundu-koe labɔ gbɛ ma.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

Kɔlɔsi 2:2

N ya wo ma le alako bɛɛ ni yisi-latɛgɛ sɔrɔn. Bɛɛ ni ma kelen na keninteyɛ rɔ. Bɛɛ ni lɔnni-kanbalinɛ sɔrɔn duk, woletɔ wo si Allata gbundu-koe lɔn. Kirasiti nyɛrɛ le gbundu-koe wo da-nyin la.

1 Timoti 3:16

Alla ya ma karan tonyɛ min na, mɔgɔ ti ke wo masɔsɔla mumɛ! Mɔgɛnu ya Kirasiti yen iko mɔgɔni-gbuyi. Allala Ni-Sɛnimɛ ya a lagbɛ ko a ara Alla hɛnɛ. Melikanu ya a yen fanan. Mɔgɛnu ya ala koe lake sibolo-gbɛrɛnu ma, ado mɔgɛnu dɛnkɛninyara a ma duninya kan tinɛ bɛɛ rɔ. A laban, Alla ya a layɛlɛ Arinyɛni tɔ.

1 Timoti 3:9

Anu ni dɛnkɛninya-kilɛ-bɛɛsi bira tonyɛ anubɛ sɔndɔma-nyimɛ la iko Alla ara a sa gbɛ ma nya min.

Lankɛnimayɛ 10:7

Melika wɔrɔnfila nyɔgɛ wa ata buri fɛ tumɛ min, Alla si ala gbundu-ko-latɛgɛnɛ kɛ iko a ya a fɔ ala wɔli-kɛlɛnu ye nya min, ala nɛbinu, kɔni.”