1 Kɔrɛnti 14:16 - ALLALA KUMƐ

¹⁶ I wa baraka bira Alla ye i sɔndɔmɛ la ladɛn kuma, minnu ma kan wo lɔn, wonu si a fɔ kama ko, “Amina?” I ye min fɔla, anu ma wo lɔn.

1 Kɔrɛnti 14:16 ပူးပေါင်းရင်းမြစ်များ

1 Mansɛnu 1:36

Bɛnaya sɔnta wo ma. A ko, “N tigi, alamɛ ita Mari Alla ya i kuman-kan wo latɔnbagaya.

1 Ko-Kɔrɔta-Karan 16:36

Tantolɛ ni di Isirɛlata Mari Alla ma ka to a tantola burubukai! Wo kɔma, mɔgɔ damasi ko, “Amina.” Anu ya Mari tanto!

Nihɛmaya 5:13

N ya n butɛ-kiri-fan ragbɔngbɔn. N ya a fɔ anu ye ko, “Ni min ma kumɛ kɛ latɔnbagaya, Alla ye wo tigi fanan tagbɔn-gbɔnna ka le. Alla si wo tigila bɔn anubɛ a bolo-fan mumɛ bɛɛ toronde a la ka a to sigini gboka!” Min bɛɛ taranta nyɔ rɔ wonu ko, “Amina!” Wo kɔma, wonu ya Alla tanto. Anu damasi ya anu kan wo latɔnbagaya.

Nihɛmaya 8:6

Ɛsira ko, “Mari tanto, Alla-makawanɛ, kɔni.” Mɔgɛ bɛɛ ya a bole layɛlɛ san ma. Anu ko, “Yo!” Wo kɔma, anu dama ya anu maburun dugi ma ka Alla bato.

Yaburi 106:48

Tantolɛ ni di Isirɛlata Mari Alla ma ka to a matɔgɔla burubukai! Mɔgɛ bɛɛ ni a fɔ ko, “Amina!” Tantolɛ ni kɛ Mari ye!

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 89:52

Tantolɛ ni to dila Mari ma tolon! Amina! Amina!

Yɛrɛmaya 11:5

A ko wo si a ma, ale fanan ni a waralɛ latɔnbagaya min kirinɛ ma benbanu ye. A si nyamani-hakikɛ di anu ma, ki-fannu si nanfa kan min kubukubu, ado ma ye nyɔ le kɛ la kaka. Nde, Yɛrɛmaya ko, “Mari, ale le wo la.”

Yɛrɛmaya 28:6

N ko, “Sobore! Alamɛ Mari ya wo ma. Alamɛ ila wɔlɔyiya-kumɛ mara tonyɛ la. Alamɛ Mari sɛgira Bato-Bon-miran bɛɛ la anu gbɛ rɔ tun. Alamɛ a sɛgira mɔgɔ-birani-kɔrɛnu na anu barɛnu tɔ.

Matiyu 15:36

Wo kɔma, a ya biredi wɔrɔnfilɛ anubɛ yɛgɛ wonu bi ka baraka bira Alla ye. A ya anu takerikeri ka anu don ala karan-dannu bolo. Karan-dannu ya a di mɔgɛnu ma.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Maraka 16:20

Karan-dannu tara kawandilɛ bɔ kan tinɛ bɛɛ rɔ. Mari taranta anu fɛ ka tamasere-sɛnbɛmɛnu di anu ma minnu si a mayira ko anuna kawandilɛ, tonyɛ le.]

Yɔni 21:25

Nba, Yisa ya ko siyaman kɛ. Ni wo bɛɛ sɛbɛra nun kelen-kelenyɛ ma, n bi n mirila ko kitabu minnu si sɛbɛ nun, wonu ti kun hali duninya kɛ bɛɛ rɔ nun.

Yɔni 7:15

Yahudiyanuna kun-tiginu kawara kati! Anu ko, “Kei kɛ ya kɛ bɛɛ lɔn kama, a ma karan nun lun-kelen-bɛrɛn?”

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

1 Kɔrɛnti 11:24

ka baraka bira Alla ye. A ban a rakerila, a ko, “N fɛrɛ-bɔnkɛ le kɛ la min bi wola ko la. Wo ni kɛ dɔn alako wo yili ni to n ko nya min.”

1 Kɔrɛnti 14:14

ado ni n ya Alla matara kan-gbɛrɛ rɔ, n sɔndɔmɛ ye tarali kɛla kɔnɔ n miriya ma wo la.

1 Kɔrɛnti 14:2

Min bi kan-gbɛrɛ fɔla, wo sa kumala mɔgɔ ye fɔ Alla bawo mɔgɔ sa a kan lamɔɛnna. A ye gbundu-koenu denu fɔla Allata Ni-Sɛnimɛ baraka la wo la.

1 Kɔrɛnti 16:24

Nta keninteyɛ ni to wo dama fɛ Kirasiti Yisa rɔ.

2 Kɔrɛnti 1:20

Kirasiti le Allata lanyiri bɛɛ lakanbalila. Wo le ya a to, ma ye a fɔla ko, “Amina” Yisa Kirasiti baraka rɔ Allata gbiliyɛla ko la.

Lankɛnimayɛ 22:20

Ale min bi koe kɛ bɛɛ sereyɛ bɔla, wo ye a fɔla ko, “Tonyɛ le serr! N bi nala tiriya!” Alamɛ a mara wo nya na le. Na, Mari Yisa!

Lankɛnimayɛ 5:14

Dali-fen nani wonu fanan ya a labira, “Amina!” Kɛmɔgɛnu ya anu sa dugi ma ka batoli kɛ.

Lankɛnimayɛ 7:12

Anu ko, “Amina! Tantolɛ wo, gbiliyɛ wo, hɛnkili wo, baraka-birɛ wo, bonyɛ wo, sɛnbɛ wo, anubɛ fanka-wɛ le mata Allatɛ la habadan! Amina!”