1 Kɔrɛnti 14:1 - ALLALA KUMƐ

¹ Nba, wo ni wo raya keninteyɛ ma worɔ. Wo ni wo niyi sa Allata Ni-Sɛnimɛta fandɛnu kuma katarala fandɛ wo ma min si a ma, wo ni Allala kumɛ fɔ a kila-bɛrɛ fɛ.

1 Kɔrɛnti 14:1 ပူးပေါင်းရင်းမြစ်များ

Hɛnkilimaya-Kumɛnu 15:9

Karagbɛlɛ kɛ-nya ma di Mari ye kɔnɔ mɔgɛ min bi ko-latelennɛ mala, wo le di Mari ye.

Hɛnkilimaya-Kumɛnu 21:21

Mɔgɛ min bi telenbagayɛ anubɛ keninteyɛ nyinina, wo tigi si sabati ka simayɛ anubɛ gbiliyɛ sɔrɔn.

Aiseya 51:1

Mari ko telenbagaya-sɔgɛ ye wole min na, wo ni wo tole masɔ, wole minnu bi Mari-lɔn-koe rɔ, kɔni. Wo ni wo hɛnkili to wo bakuri ko. Wo mani de iko kuru-mɛsɛ minnu bɔra fara-gbaran-kɔnkɛ ma.

Romu 12:6

Woletɔ Alla ara hinɛ min nyɔgɔn di ma ma, ma ni mala sanbɛnu nawɔli wo nya na le worɔ. Ni mala sanbɛ le ka Allala kilayɛ lake, ma ni wo ma iko mala dɛnkɛninyɛ ye nya min.

Romu 14:19

Nba, koe minnu si yisi-kimɛ lana anubɛ minnu si ma nyɔgɔn sɛnbɛ don, fɔ ma ni to wonu mala tuma-wo-tuma.

Romu 9:30

Ma si nfen fɔ worɔ? Sibolo-gbɛrɛ minnu sa anu tayala nun ka anu nyɛrɛ latelen Alla ye, wonu denu bara telen a ye dɛnkɛninyɛ baraka rɔ.

1 Kɔrɛnti 12:1

Nba, n na-kelen-nyɔgɛnu, n bi a fɛ ka kuma wo ye Allata Ni-Sɛnimɛta fandɛnu bara-koe rɔ. N bi a fɛ, wo ni tonyɛ lɔn wonuna ko la.

1 Kɔrɛnti 12:31

Nba, fanda-tɔnɔnamɛnu bira-sɔgɛ ni wo bira. Kɔnɔ min kolo kɛ bɛɛ ko, n si na wo yira wo la gbɛ!

1 Kɔrɛnti 13:13

Nba, kɛ sawɛ le tonɛ, dɛnkɛninyɛ wo, yigi wo, anubɛ keninteyɛ kɔnɔ keninteyɛ le kolo kɛ bɛɛ ko.

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

1 Kɔrɛnti 14:22

Woletɔ kan-gbɛrɛ-fɔɛ ye dɛnkɛninyabɛlɛnuna ko la, dɛnkɛninya-mɔgɛnu ma de! Kɔnɔ Allala-kuma-fɔɛ ye dɛnkɛninya-mɔgɛnuna ko la, dɛnkɛninyabɛlɛnu ma de!

1 Kɔrɛnti 14:37

Ni mɔgɔ-wo-mɔgɔ ye a mirila ko Allala kilayɛ le ale la, ado ni min ko Allata Ni-Sɛnimɛta fandɛ ye a bolo, ale nyɛrɛ ni a lɔn ko n bi min sɛbɛla wo ma, Marita tɔn le wo la.

1 Kɔrɛnti 14:39

Woletɔ n na-kelen-nyɔgɛnu, Allala-kuma-fɔ-sɔgɛ ni wo bira kɔnɔ wo kana tɔn sigi kan-gbɛrɛ-fɔɛ la.

1 Kɔrɛnti 16:14

Wo ni wola wɔli-su-bɛɛ kɛ keninteyɛ la.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

1 Tɛsalonaika 5:20

Wo kana wɔlɔyiya-kumɛnu nafɛya.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

2 Timoti 2:22

I ni i tanka fonikeya-natanu ma. I raya telenbagayɛ anubɛ dɛnkɛninyɛ ma, wo kɔma, keninteyɛ anubɛ yisi kimɛ ma. I ni to sɔndɔma-tiginu kurun tɔ.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

2 Pita 1:7

Wo ni diyanayɛ sa wota Alla-yala-kilan kuma. Wo ni keninteyɛ sa wola diyanayɛ kuma.

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.