1 Kɔrɛnti 13:6 - ALLALA KUMƐ

⁶ Keninteyɛ ti sewa ko-yogomɛ la kɔnɔ a si sewa tonyɛ la.

1 Kɔrɛnti 13:6 ပူးပေါင်းရင်းမြစ်များ

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Bɔ-Koe-Iyipiti 18:9

Mari ya Isirɛla mɔgɛnu bɔ Iyipiti kɛnu bolo tɔ min kɛ ka anu kisi, wo mara sewa-koe la Yɛtiro ye.

Hɛnkilimaya-Kumɛnu 14:9

Mɔgɛ min si kilan hakɛ la ka a sɔn latelen, kun-takolɔn si yɛlɛn de wo ma. Kɔnɔ ko-telenni-kɛ si diya mɔgɔ-latelennɛ ye.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Hoseya 4:8

Wo ye tɔnɛ sɔrɔnna ka a tɛgɛ nta mɔgɛnuna hakɛ-kɛ-koe ma. Woletɔ wo ye tola anu natuntunna hakɛ rɔ tolon!

Hoseya 7:3

Mari ko, “Wole Isirɛla mɔgɛnu bi karagbɛlɛya-su bɛɛ rabɛnna mansɛ anubɛ ala mɔgɔ-banu kan ma bolɔn la.

Maika 7:8

Ko-yogomɛ min bi sigila ma la, ma yogenu kana wonu ma ma rasɛ-kunya la. Hali ma dɛ ra ara gborokan, ma si ma lasɔ tun. Hali pinpi burunnɛ ma ma bɛff, kɔnɔ Mari si waan raka ma ma waran!

Matiyu 18:13

Wo ni wo hɛnkili to kɛ ko! A wa wo yen, a si sewa saga kelan wola ko la ka tenbi saga bi-kɔnɔntɔ anubɛ kɔnɔntɛ la minnu bi a bolo.

Luka 22:5

Wo diyara anu ye. Anu sɔnta wodi-bɔ-koe ma ka a sara.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Filipai 1:18

Tana ma wo la! N sewanɛ wo bɛɛ rɔ. Alako tun, Kirasitila kawandili-koe ni bɔ nya bɛɛ ma. A bɔra kɛ-nya-yogomɛ rɔ wo, a bɔra a nyimɛ rɔ wo, n si to sewala tun

Filipai 1:4

ado n ba Alla matara wo ye wati min, n bi a matarala sewɛ la

Filipai 3:18

N bara kɛ fɔ wo ye fɔlɔ-nun ko siyaman, ado kaka, n bi a fɔla tun, n ya-yi ye bɔla. Mɔgɔ siyaman bi nyɔ minnu bi anu tayala ka Kirasiti faga-ko-kɔrɛ tinya.

2 Tɛsalonaika 2:12

Anu bɛɛ si tɔrɔyɛ sɔrɔn bawo ko-yogomɛ di anu ye tonya-birɛ ko.

2 Yɔni 1:4

N sewara bɛrɛkɛ ka a yen ko ila dan donu tonɛ tonyɛ rɔ iko ma Fa Alla ara a fɔ ma ye nya min.