1 Kɔrɛnti 13:10 - ALLALA KUMƐ

¹⁰ Kɔnɔ min kanbalinɛ, wo wa na tumɛ min, fanda-kanbalibɛlɛ kɛnu si tunu yen!

1 Kɔrɛnti 13:10 ပူးပေါင်းရင်းမြစ်များ

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

1 Kɔrɛnti 13:11

N bi denniyɛ rɔ tumɛ min, n bi kumala le iko dennɛ, n bi n mirila iko dennɛ, n bi lakɔrɔsilɛ kɛla iko dennɛ. Kɔnɔ n ya hɛnkili sɔrɔn tumɛ min, nna ko sa denniya-koe wo fenfen tɔ tun.

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

1 Kɔrɛnti 13:9

Lɔnnɛ wo, wɔlɔyiya-kumɛ wo, mala fandɛ wo bɛɛ ma kanbali wɛ.

Filipai 3:12

N ma a fɔ ko n kɔntɛ ara kɛ n ye. N da fani ma wɛ kɔnɔ n bi n tayala dɛɛ, ado Yisa ara ban nde rabirala ka n ma atɛ la.