1 Kɔrɛnti 12:31 - ALLALA KUMƐ

³¹ Nba, fanda-tɔnɔnamɛnu bira-sɔgɛ ni wo bira. Kɔnɔ min kolo kɛ bɛɛ ko, n si na wo yira wo la gbɛ!

1 Kɔrɛnti 12:31 ပူးပေါင်းရင်းမြစ်များ

Matiyu 5:6

Mɔgɔ-sewanɛ le wo mɔgɛ la Alla sako-kɛ-koe di min ye bawo Alla si wo tigi wasa feu!

Luka 10:42

kɔnɔ fen kelen pe ye nyɔ i makoe ye min na. Mariyama ara a nyimɛ yabɔ, ado wo ti bɔ a bolo.”

1 Kɔrɛnti 13:1

Hali n kumara kan-su-bɛɛ rɔ minnu bi san-kole rɔ anubɛ dugu-kole kɛ kuma kɔnɔ ni keninteya sa n yisi rɔ, n bara ma iko nɛgɛ-walan, ni wo ma, tɛlɛn-gbesi-kan.

1 Kɔrɛnti 14:1

Nba, wo ni wo raya keninteyɛ ma worɔ. Wo ni wo niyi sa Allata Ni-Sɛnimɛta fandɛnu kuma katarala fandɛ wo ma min si a ma, wo ni Allala kumɛ fɔ a kila-bɛrɛ fɛ.

1 Kɔrɛnti 14:39

Woletɔ n na-kelen-nyɔgɛnu, Allala-kuma-fɔ-sɔgɛ ni wo bira kɔnɔ wo kana tɔn sigi kan-gbɛrɛ-fɔɛ la.

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

Filipai 3:8

Wo koenu dɔrɔn ma. N bara ko-koron-bɛɛ lɔn bɔnɛ la feu! Koe min tenbinɛ kɛ dama la, wo le ka Kirasiti Yisa lɔn n Mari la, kɔni. N bara koe wo bɛɛ boloka ale Yisala ko la ka wo bɛɛ lɔn yefe-gbalɛ la alako n ni Kirasiti sɔrɔn.

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.