1 Kɔrɛnti 12:26 - ALLALA KUMƐ

²⁶ Ni sɔlɔmɔnya kelen tɔrɔta, a sɔlɔmɔnya-toe bɛɛ si tɔrɔ a fɛ. Ni sɔlɔmɔnya kelen ya gbiliyɛ sɔrɔn, a sɔlɔmɔnya toe bɛɛ si do sɔrɔn gbiliyɛ wo rɔ.

1 Kɔrɛnti 12:26 ပူးပေါင်းရင်းမြစ်များ

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Matiyu 5:29

Woletɔ ni i bolo-nyimama-yɛ ya i don hakɛ rɔ, a labɔ a kolon rɔ ka a lakɛ a rɔ! Yanni i fɛrɛ-bɔnkɛ bɛɛ la ni don nyahanama rɔ, a fisa, i ni foo i ya-kelan wo la.

Romu 12:15

Sewa wonu fɛ minnu bi sewala. Di wonu fɛ minnu bi dila.

1 Kɔrɛnti 12:25

Alla ya a ladan wo nya alako sɔsɔli kana taran sɔlɔmɔnyanu tɛma, ado sɔlɔmɔnya bɛɛ ni a lɔn ko anu kelen-kelennamɛ-bɛɛ makoe ye anu nyɔgɔn na.

1 Kɔrɛnti 12:27

Nba, Kirasiti bagbuyi le wo dama la. Kirasiti sɔlɔmɔnya do le wo kelen-kelennamɛ bɛɛ la.

Kalesiya 6:2

Wo wa wo nyɔgɔnna dunɛ bi tumɛ min, wo ara Kirasitita tɔn le bira worɔ.

Hiburunu 13:3

Wo ni wo hɛnkili to yelela-mɔgɛnu ko iko wo ye anu fɛ yele le la. Wo ni wo hɛnkili to mɔgɔ-tɔrɔnɛnu ko. A ni ma iko wole fanan tɔrɔnɛ anu fɛ le.

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.