1 Kɔrɛnti 12:13 - ALLALA KUMƐ

¹³ A ye wo nya na le fanan Kirasitita bagbuyi rɔ. I mara Yahudiya la wo, i mara sibolo-gbɛrɛ la wo, i mara yɔɔn na wo, i mara hɔrɔ la wo, ma dama ara batasi bagbu kelen tɔ ata Ni-Sɛnima kelen de bolo. Ma dama ara fa Allata Ni-Sɛnima kelen wo la.

1 Kɔrɛnti 12:13 ပူးပေါင်းရင်းမြစ်များ

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Aiseya 55:1

Mari ko ni minnu kan lagbalanɛ, wonu ni na anu min. Ni wodi sa minnu bolo, wonu ni na dɔn-fen bi tinɛ. Wo ni na nonɛ anubɛ min-kɛ-fan min, wo ti fenfen bɔ.

Yowɛli 2:29

Hali minnu bi wɔlila bɔn la, kei wo, musi wo, a ko wo wati wa ke, a si ata Ni-Sɛnimɛ layigi wo bɛɛ kuma.

Matiyu 3:11

“N bi wo batasila yi rɔ alako mɔgɛnu ni a lɔn ko wo ara tubi ka wo kɛ-nyanu yɛlɛma. Kɔnɔ ale min bi nala nde kɔma, wo si wo batasi Allala Ni-Sɛnimɛ la anubɛ tɛ min si wo sɛninya. A makawara nde ko pirr! Nde ma bɛn, hali ka ala sanbarɛ bi a ye.

Luka 3:16

Woletɔ Yɔni ya a fɔ anu dama ye ko, “N bi wo batasila yi rɔ kɔnɔ mɔgɛ do ye nala min tenbira nde la. Hali ka ala sanbarɛ fulen a kian rɔ, nde ma bɛn ka wo ma. Wo si wo batasi Allata Ni-Sɛnimɛ anubɛ tɛ la.

Yɔni 1:16

A ara ata duwɛ layigi ma bɛɛ kuma ka bɔ ala hina-waranɛ rɔ ka duwɛ kumasa ma ye.

Yɔni 1:33

Ha bi, n nyɛrɛ ma a lɔn kɔnɔ Alla min ya n sɔ batasili-kɛ-tinɛ yi rɔ, wo le ya a fɔ n ye nun ko n si Allata Ni-Sɛnimɛ yen yigila mɔgɛ min kuma ka to a fɛ, ale le wo la min si mɔgɛ batasi Allata Ni-Sɛnimɛ rɔ,

Yɔni 3:5

Yisa ya a yabi ko, “N bi tonyɛ fɔla i ye, mɔgɔ-wo-mɔgɔ ti ke donna Allala mansayɛ rɔ, fɔ ni a sɔrɔnta yi anubɛ Allala Ni-Sɛnimɛ la.

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Yɔni 6:63

Allata Ni-Sɛnimɛ le ye niyi dila mɔgɛnu ma. Sɛnbɛ sa mɔgɔ-wo-mɔgɔ bolo ka niyi di mɔgɛ ma. N bara kumɛ minnu fɔ wo ye kɛ la, Allala Ni-Sɛnimɛ min si niyi di mɔgɛ ma, wo le si niyi lana wo ma.

Kɛwɔlɛnu 1:5

A ko Yɔni ya batasili kɛ yi rɔ kɔnɔ anu denu si batasi Allata Ni-Sɛnimɛ la, ado wo ti tele siyaman bɔ tun.

Romu 3:22

A si bɛɛ latelen dɛnkɛninyɛ fɛ Yisa, Allata-Mɔgɔ-Yabɔnɛ ma, kɔni. Mɔgɛ bɛɛ kelen Alla ya la bawo

Romu 3:29

Alla ye Yahudiyanu denu dɔrɔnna ko la, wa? Sibolo-gbɛrɛnu fananta Alla ma ale la? Wonutɛ le ale fanan na.

Romu 4:11

Iburayima telenta Alla yala ka a tɛgɛ ata dɛnkɛninyɛ ma. Wo kɔma, a kemininyara alako ala kemininyɛ ni ma koe kɛnu tamasere la. Woletɔ minnu bara dɛnkɛninya Alla ma, Iburayima mara wonu bɛɛsi benba la. Alla ara wonu lɔn mɔgɔ-latelennɛ la, hali anu kemininyabɛlɛ.

1 Kɔrɛnti 10:2

Banda-fin-gbɛ min bi anu kun na anubɛ anu ya yi min tɛgɛ, wo ya a ma iko anu batasinɛ le, ado anu mara Nɛbi Musa gba-fɛ-bilalɛnu na batasilɛ wo fɛ.

Kalesiya 3:23

Ado nfan, yanni wati ni ke ka dɛnkɛninya Yisa ma, Nɛbi Musata tɔn-kitabu ya ma dama mara iko yelela-mɔgɛnu ha Alla ya a yira mɔgɛnu na, anu ni dɛnkɛninya Yisa ma tumɛ min,

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

Ɛfɛsa 4:5

Mari kelen de ma kuma, ma bɛɛsi dɛnkɛninyanɛ min ma, kɔni, ado ma bɛɛsi batasira tɔgɔ kelan wo le tɔ.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Ɛfɛsa 6:8

Wo ni a lɔn ko i mara yɔɔn na wo, i mara hɔrɔ la wo, Mari si mɔgɛ bɛɛ sara ala wɔli-nyimɛla ko la.

Kɔlɔsi 1:27

ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.