1 Kɔrɛnti 12:10 - ALLALA KUMƐ

¹⁰ Ata Ni-Sɛnimɛ si kabana-ko-wɔli-sɛnbɛ di mɔgɛ do ma ka kawandili-labɔ-sɛnbɛ di mɔgɔ-gbɛrɛ ma. Fandɛ minnu bɔra Allata Ni-Sɛnimɛ bolo anubɛ minnu ma bɔ a bolo, wonu dan-nafarɛ-lɔn-sɛnbɛ dinɛ mɔgɔ-gbɛrɛ ma. Kan-gbɛrɛ-fɔ-sɛnbɛ dinɛ mɔgɛ do ma. Kan wo latenbi-sɛnbɛ dinɛ mɔgɔ-gbɛrɛ fanan ma,

1 Kɔrɛnti 12:10 ပူးပေါင်းရင်းမြစ်များ

Yowɛli 2:28

A ko wo wa ban, a si ata Ni-Sɛnimɛ layigi mɔgɛ bɛɛ ma. A ko wola den-keinu anubɛ wola dunmusinu si wɔlɔyiya-kumɛnu fɔ. Wola kinanu si kiyonu sa, ko-rayen si kɛ wola kemini-mɛsɛnu ye.

Maraka 16:17

Tamasere-sɛnbɛmɛ kɛnu si taran dɛnkɛninya-mɔgɛnu fɛ. Anu si nyinɛnu gben n tɔgɛ rɔ. Anu si kan-gbɛrɛnu fɔ.

Maraka 16:20

Karan-dannu tara kawandilɛ bɔ kan tinɛ bɛɛ rɔ. Mari taranta anu fɛ ka tamasere-sɛnbɛmɛnu di anu ma minnu si a mayira ko anuna kawandilɛ, tonyɛ le.]

Luka 24:49

N fa ya lanyiri kiri min na, nde nyɛrɛ si wo lana wo ma. Kɔnɔ wo ni to Yerusalɛm fɔlɔn ha sɛnbɛ wo ni na ka bɔ san ma ka yigi wo kuma.”

Yɔni 14:12

“N bi tonyɛ fɔla wo ye, min ba dɛnkɛninya nde ma, n bi kɛwɔli minnu kɛla, wo tigi fanan si wonu kɛ, ado a si donu kɛ minnu kolo kɛnu ko bawo n bi tala n Fa Alla warɛ.

Yɔni 16:13

Kɔnɔ Allala Ni-Sɛnimɛ min si tonyɛ labɔ gbɛ rɔ Alla wara-koe rɔ, wo wa na tumɛ min, a si tonyɛ bɛɛ yira wo la. A ti kuma a nyɛrɛta sɛnbɛ la fɔ a ya min namɔɛn yɛ, a si wo le fɔ wo ye. Koe minnu bi nala, a si wonu fanan fɔ wo ye.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 11:27

Wo wati rɔ, nɛbi donu bɔra Yerusalɛm soe burɔ ka ta Antiyaki.

Kɛwɔlɛnu 11:28

Kelen bi anu tɛma min tɔgɛ Agabasi, wo ya a sɔ ka wɔlɔyiyɛ kɛ Allata Ni-Sɛnimɛ sɛnbɛ baraka rɔ ko kɔnkɔ-fitinɛ ye nala duninya bɛɛ rɔ. (Wo kɛra wo tumɛ Kaladiyasi ye Romu nyamanɛ kun-tigiyɛ la.)

Kɛwɔlɛnu 19:6

Pɔli ya a bole sa anu kuma tumɛ min, anu fanan ya Allata Ni-Sɛnimɛ sɔrɔn. Anu kumara kan-gbɛrɛnu tɔ ka wɔlɔyiya-kumɛ fɔ iko fɔlɔ-mɔgɛnu.

Kɛwɔlɛnu 5:3

Pita ya a fɔ a ye ko, “Ananayasi, nfenna i wara sɔn ko Setanɛ ni don i yisi rɔ? I ya ila dugi feri min nyɔgɔn na, i ya do bɔ wodi wo la ka a lamara i nyɛrɛ ye, ado i ye foninyɛ le fɔ tinɛ Allala Ni-Sɛnimɛ ye wo la.

Romu 12:6

Woletɔ Alla ara hinɛ min nyɔgɔn di ma ma, ma ni mala sanbɛnu nawɔli wo nya na le worɔ. Ni mala sanbɛ le ka Allala kilayɛ lake, ma ni wo ma iko mala dɛnkɛninyɛ ye nya min.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

1 Kɔrɛnti 11:4

Woletɔ kei tenbi Alla matarala, ni wo ma, ka wɔlɔyiya-kumɛ fɔ nyama tɛma, ni a kunyɛ yamatogonnɛ, a ye ala kun-tigi Kirasiti le lafɛyala wo la.

1 Kɔrɛnti 13:8

Keninteyɛ ti ban mumɛ! Wɔlɔyiya-kuma-fɔɛnu bi nyɔ kɔnɔ wonu fanan ti mɛ. Kan-gbɛrɛ-fɔɛnu bi nyɔ kɔnɔ wonu si to-a-rɔ. Lɔnnɛ ye nyɔ kɔnɔ wo bɛrɛn si tenbi.

1 Kɔrɛnti 14:13

Min bi kan-gbɛrɛ fɔla, wo ni Alla matara ko a ni sɛnbɛ sɔrɔn ka anu kɔrɛ fɔ mɔgɛnu ye,

1 Kɔrɛnti 14:39

Woletɔ n na-kelen-nyɔgɛnu, Allala-kuma-fɔ-sɔgɛ ni wo bira kɔnɔ wo kana tɔn sigi kan-gbɛrɛ-fɔɛ la.

Kalesiya 3:5

Alla le ya ata Ni-Sɛnimɛ di wo ma ka kabana-koenu kɛ wo tɛma. A ya wo ma le ka a tɛgɛ tɔn-kitabu ara min fɔ, wa? Ade, a ya wo ma ka a tɛgɛ wo ara kibara-nyimɛ lamɔɛn nya min ka dɛnkɛninya Yisa ma.

1 Tɛsalonaika 5:20

Wo kana wɔlɔyiya-kumɛnu nafɛya.

Hiburunu 2:4

Wo wati nyɛrɛ rɔ, Alla ya kabana-koe anubɛ kɛwɔli-sɛnbɛma-su-siyaman kɛ. A ya ata sereyɛ labɔ gbɛ rɔ kabana-koe wonu fɛ. A ya ata Ni-Sɛnimɛta kɔ-fannu fanan tafara iko a di a ye nya min.

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.

Lankɛnimayɛ 2:2

Wole Ɛfɛsa-chɔchi-mɔgɛnu, wo ara min kɛ, n ya wo lɔn. Wo ara wɔlɔ-wɛ min kɛ anubɛ wo ara wo munyu nya min, n ya wo lɔn. N ya a lɔn ko wo ti sɔn mɔgɔ-yogenuna ko ma minnu bi a fɔla ko kilayɛ le anu na kɔnɔ kilaya ma anu na. Wo ara wonu kɔrɔbɔ ka a lɔn ko foninya-fɔlɛ le anu na.