1 Kɔrɛnti 11:29 - ALLALA KUMƐ

²⁹ Ni min ya biredi kɛ dɔn ka a min yi-lafɛ kɛ la, a ma a miri Mari fɛrɛ-bɔnkɛ ara min ma a ye, a tenbi a dɔnna ka a min, a si kiti lana a nyɛrɛ kuma.

1 Kɔrɛnti 11:29 ပူးပေါင်းရင်းမြစ်များ

Makawandili Kumɛnu 8:5

Fananta i ye mansɛla tɔnnu tola a gbɛ rɔ, i ti nanparan sɔrɔn a bolo. Hɛnkilimɛ le ya a lɔn a si mansɛla tɔnnu to a gbɛ rɔ nya min anubɛ a wati ma.

Luka 7:34

Nde, Hadama-dan nara tumɛ min, n ya fen-dɔn-kɛ ka n min. Wo ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le!’

Romu 13:2

Ni min ya kun-tigi wonu sɔsɔ, wo ye Allala ko-latɛgɛnɛ le sɔsɔla, ado ni min ya wo ma, wo si kiti lana a nyɛrɛ kuma.

1 Kɔrɛnti 11:24

ka baraka bira Alla ye. A ban a rakerila, a ko, “N fɛrɛ-bɔnkɛ le kɛ la min bi wola ko la. Wo ni kɛ dɔn alako wo yili ni to n ko nya min.”

1 Kɔrɛnti 11:27

ado ni mɔgɔ-wo-mɔgɔ ma Marita biredi dɔn ka a min Marita yi-lafɛ la a kilɛ fɛ, wo tigi ara kiti lana a nyɛrɛ kuma. A ara yilikiyi sɔrɔn bawo a ma Mari fɛrɛ-bɔnkɛ anubɛ a yele gbiliya.

1 Kɔrɛnti 11:28

Woletɔ yanni wo ni Marita biredi dɔn ka wo min Marita yi-lafɛ la, wo kelen-kelennamɛ-bɛɛ ni wo nyɛrɛ lakɔrɔsi ka wo nyɛrɛ fɛsɛfɛsɛ.

1 Kɔrɛnti 11:30

Ka a tɛgɛ wo ma, wo siyaman rafaganɛ, wo kirɛ, ado donu bara faga wo rɔ!

Hiburunu 5:14

Kɔnɔ kinanu si dɔn-fen-bɛrɛ dɔn. Minnu bara koloya, wonu bara ko-nyimɛ anubɛ ko-yogomɛ dan-nafarɛ makaran.

Yemesi 3:1

N na-kelen-nyɔgɛnu, wo siyaman kana ma karan-mɔgɛnu na bawo wo ya a lɔn ko male karan-mɔgɛnuta kiti si gbɛlɛya mɔgɔ-gbɛrɛnutɛ ko.

Yemesi 5:12

N na-kelen-nyɔgɛnu, kuma-kolomɛ le kɛ la. Wo tenbi lanyiri kirila tumɛ min, wo kana wo gboro. Wo kana wo gboro san-kole rɔ, ni wo ma, dugu-kole rɔ, ni wo ma fanan, fenfen tɔ. Wo ni a fɔ dɔrɔn ko, “Ɔnde,” ni wo ma, “Ade.” Wo le ya a to, wo ti hakɛ kɛ ka yiliki sɔrɔn Alla bolo.