1 Kɔrɛnti 11:27 - ALLALA KUMƐ

²⁷ ado ni mɔgɔ-wo-mɔgɔ ma Marita biredi dɔn ka a min Marita yi-lafɛ la a kilɛ fɛ, wo tigi ara kiti lana a nyɛrɛ kuma. A ara yilikiyi sɔrɔn bawo a ma Mari fɛrɛ-bɔnkɛ anubɛ a yele gbiliya.

1 Kɔrɛnti 11:27 ပူးပေါင်းရင်းမြစ်များ

Yilan-Yilan Koe 9:13

Ni mɔgɔ-wo-mɔgɔ ma sɔn ka kofu wo ma, ado wo ni a taran, mɔgɛ wo sɛninyanɛ iko tɔn ya a fɔ nya min, wo ni a taran fanan, a ma ta wula-yan na kɔnɔ a ma sɔn ka kofu wo ma Kanan-Ko-Ladiyɛ kɛ rɔ, wo ni mɔgɛ wo gben wo kurun tɔ. Wo tigi si tɔrɔya ata hakɛla ko la bawo a ma na ata sarakɛ la a wati-latɛgɛnɛ rɔ nde, Mari ye.

Matiyu 22:11

“Mansɛ tara ladɛn rɔ. A ya minnu kele, a ya wonu mafɛlɛn. Yaga, a ya kei do yen kɔnyɔ-masɔ-duruki sa wo kan na.

Yɔni 6:51

Niyi ye biredi min tɔ, wo le nde la min yigira ka bɔ Arinyɛni tɔ. Ni mɔgɔ-wo-mɔgɔ ya biredi wo dɔn, a si habadan-nimayɛ sɔrɔn. Nba, n si biredi min di wo ma, wo le n bagbuyi la. N bi wo nila duninya-mɔgɛnu beli-koe la.”

1 Kɔrɛnti 10:21

A ti bɛn wo ni wo min Marita yi-lafɛ la, wo ni ta wo min nyinɛnuta yi-lafɛ la fanan. Wo kana fen-dɔn-kɛ Marita tebulu la, wo wa ban, wo ni ta fen dɔn nyinɛnuta tebulu fanan na.

1 Kɔrɛnti 11:29

Ni min ya biredi kɛ dɔn ka a min yi-lafɛ kɛ la, a ma a miri Mari fɛrɛ-bɔnkɛ ara min ma a ye, a tenbi a dɔnna ka a min, a si kiti lana a nyɛrɛ kuma.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!