1 Kɔrɛnti 11:26 - ALLALA KUMƐ

²⁶ Wo tenbi biredi kɛ dɔnna ka wo min tuma-wo-tuma, wo si wo miri Marita saya-koe ma ka to a fɔla ha a ni na tumɛ min,

1 Kɔrɛnti 11:26 ပူးပေါင်းရင်းမြစ်များ

Yɔni 14:3

N ba ta kan tinɛ wonu tabɛn wo ye, n si na tun ka wo bi ka ta wo la n bolo. Woletɔ n ba ta kan min, wo fanan si to n fɛ nyɔ.

Yɔni 21:22

Yisa ya a yabi ko, “Ni n bi a fɛ, ale ni to ha n ni na, ila ko le wo rɔ? Bila n fɛ tun!”

Yɔni 21:23

Nba, kumɛ kɛ nyɛnsɛnta Yisala karan-dannu tɛma ko ala karan-dan doi kɛ ti faga. Kɔnɔ Yisa ma a fɔ ko a ti faga. A ko, “Ni n bi a fɛ, ale ni to ha n ni na, ila ko le wo rɔ?”

Kɛwɔlɛnu 1:11

Anu ko, “Wole Kalili kɛnu, wo sɔnɛ yan kama san mafɛlɛn la? Yisa kɛ, min bara bɔ wo tɛma kɛ la ka yɛlɛ Arinyɛni tɔ, a si na tun wo nya iko wo ara a yen tala Arinyɛni tɔ nya min.”

1 Kɔrɛnti 15:23

Kɔnɔ Alla si mɔgɔ kelen-kelennamɛ-bɛɛ lawuli a wati-latɛgɛnɛ rɔ. Kirasiti le a fɔlɔtɛ la. Wo kɔma, Kirasiti wa na tun, minnu taranta ale rɔ, wonu si bila a fɛ.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

1 Tɛsalonaika 4:16

Wo wa gbele-gbelen-kan lamɔɛn anubɛ melika-kun-tigi-kan anubɛ Allata buru-fɛ-kan, Mari nyɛrɛ si yigi ka bɔ Arinyɛni tɔ wo tumɛ le tɔ! Minnu dɛnkɛninyara Kirasiti ma ka faga dɛnkɛninyɛ rɔ, wonu fɔlɔn si wuli ka anu niyi lafɛ.

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

2 Pita 3:10

Marita tele si na iko kankan. Wo tele kelan rɔ, san-kole si tenbi ka ban sɔnkɔ-sɔnkɔ-ba rɔ. San-kole anubɛ fan minnu bi a rɔ, wonu si mintan ka lee bandin! Dugu-kole anubɛ fan min bɛɛ ye a kuma, wonu bɛɛ si tenbi ka ban.

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

Yude 1:14

Ma benba Hadama bɔnsɔn wɔrɔnfila nyɔgɛ, n fa Inɔki, kɔni, wo ya wɔlɔyiyɛ kɛ foninya-karan-mɔgɔ wonuna ko la kebi fɔlɔ. A ko, “Wo ni wo tole masɔ! Mari si na ala melika-sɛnimɛ waga siyaman na a bolo

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.

Lankɛnimayɛ 22:20

Ale min bi koe kɛ bɛɛ sereyɛ bɔla, wo ye a fɔla ko, “Tonyɛ le serr! N bi nala tiriya!” Alamɛ a mara wo nya na le. Na, Mari Yisa!