1 Kɔrɛnti 11:21 - ALLALA KUMƐ

²¹ Wo tenbi fen dɔnla, mɔgɔ kelen-kelennamɛ-bɛɛ ye fen dɔnna iko a di a ye nya min. Anu ti doinu makɔni, woletɔ do kɔnkɔtoe tenbi, do kun tafinnɛ gbɛɛ-minyɛ bolo.

1 Kɔrɛnti 11:21 ပူးပေါင်းရင်းမြစ်များ

Yɔni 2:10

A ya a fɔ a ye ko, “Mɔgɛnu duruta nɔnbɔ-gbɔ-yi-diyamɛ le dila mɔgɛnu ma fɔlɔn. Ni anu bara mɛ anu minna, wo kɔma, a si do labɔ min ma ke doi rɔ. Kɔnɔ ile ara nɔnbɔ-gbɔ-yi-diyamɛ wo mara ha a laban!”

1 Kɔrɛnti 11:20

Wo wa wo ladɛn tumɛ min, wo sa nala Marita kimanɛ dɔn tinɛ fɔ wo nyɛrɛta ladiyɛ.

1 Kɔrɛnti 11:34

Wo wa wo ladɛn fen dɔn tinɛ tumɛ min, yanni wo ni kiti sɔrɔn Alla bolo, ni kɔnkɛ ye wole do la, a bɛnnɛ wo tigi ni fen-dɔn-kɛ ala bɔn la. N ba na kɛ kɔma tumɛ min, wo ya n manyinika minnu na wola kɛdi rɔ, n si wonu natelen.

2 Pita 2:13

Anu bara mɔgɛnu tɔrɔ min kɛ, anu si na tɔrɔyɛ wo sarɛ sɔrɔn. Min si anu fɛrɛ-bɔnku-nata wasa hali tele rɔ, anu diyana-koe le wonu na. Anu ba kofu wo ma fen dɔn tinɛ tuma-wo-tuma, anu si na miliyɛ anubɛ lafɛyɛ la anu bolo. Anu bi sewala anuna kisimiriya-koenu tɔ tolon!

Yude 1:12

Wole denkɛninya-mɔgɛnu ba bɛn fen dɔn tinɛ, mɔgɛ kɛnu manyimanɛ wo tɛma. Anu bi hɔnna anu nyɛrɛ le dɔrɔn na anuna milibɛlitaya-fen-dɔn la anu bolo. Anu manɛ iko fɔnyɔ siginɛ banda-finyɛ min kɔrɔ. Anu manɛ iko kɔlɔma minnu ti gbɔ mumɛ, hali anu gbɔ-tumɛ kenɛ. Anu manɛ iko kɔlɔma minnu suli labɔnɛ dugi rɔ feu! Anu bara faga don!