1 Kɔrɛnti 11:17 - ALLALA KUMƐ

¹⁷ Hali wo, n bi koe min fɔla wo ye kɛ la, n sa wo matɔgɔla wo rɔ. Wola chɔchi-ladɛnnu sa ko-rabɛn-kɛla fɔ ka tinyalɛ kɛ.

1 Kɔrɛnti 11:17 ပူးပေါင်းရင်းမြစ်များ

Hɛnkilimaya-Kumɛnu 27:5

Ni i ya i ta-nyɔgɛla fɛɛ yira a la, wo si a yira ale la ko ale di i ye. Yanni i ni i ta-nyɔgɛla fɛɛ dogon, a fisa, i ni a latelen.

Saraka-Masɔlɛnuta Tɔnnu 19:17

“Mɔgɔ ta-nyɔgɛla koe kana to siginɛ i burɔ, fɔ i ni fɛrɛ nyini ka bɛnsɛnkɔninyɛ bɔ wo tɛma alako i kana yiliki sɔrɔn nde, Mari bolo i ta-nyɔgɔn wola ko la.

Romu 13:3

Wole min bi ko-nyimɛ kɛla, hali wo ma kilan wola kun-tiginu na. Kɔnɔ min bi ko-yogomɛ kɛla, wonu denu ni kilan. Nba, wo ni to ko-nyimɛ kɛla, anu si wo tanto worɔ.

1 Kɔrɛnti 11:2

N si wo tanto bawo wo ye wo hɛnkili tola n ko tuma-wo-tuma ka koe wonu bira n ya wo karan minnu na.

1 Kɔrɛnti 11:20

Wo wa wo ladɛn tumɛ min, wo sa nala Marita kimanɛ dɔn tinɛ fɔ wo nyɛrɛta ladiyɛ.

1 Kɔrɛnti 11:22

Bon sa wo bolo wo si fen-dɔn kɛ kan min ka wo min, wa? Ka, a di wo ye, Allala chɔchi la ni fɛya ka bolo-kolɔnnu namiliya, wa? Wo miriya ye kama? N si nfen fɔ wola ko la? N ni wo matɔgɔ, wa? Ade, n ti wo matɔgɔ mumɛ!

1 Kɔrɛnti 11:34

Wo wa wo ladɛn fen dɔn tinɛ tumɛ min, yanni wo ni kiti sɔrɔn Alla bolo, ni kɔnkɛ ye wole do la, a bɛnnɛ wo tigi ni fen-dɔn-kɛ ala bɔn la. N ba na kɛ kɔma tumɛ min, wo ya n manyinika minnu na wola kɛdi rɔ, n si wonu natelen.

1 Kɔrɛnti 14:23

Nba, ni wole kan-gbɛrɛ-fɔlɛnu nadɛnta wo nyɔgɔn fɛ chɔchi burɔ ka kan-gbɛrɛ-fɔɛ dabira, mɔgɔ-kurɛ wa taran wo tɛma, ni wo ma, dɛnkɛninyabɛlɛ, a si a fɔ worɔ ko wo dama ara yuwaya.

1 Kɔrɛnti 14:26

N na-kelen-nyɔgɛnu, n bi nfen ma kɛ la? Wo wa wo ladɛn Alla bato tinɛ, a fɛrɛ sa fɔ koe bɛɛ ni ma chɔchi-dɛnbɛn-koe la. Bɛti do ye mɔgɔ kelen bolo, mɔgɛ do ye karan kɛla, dogbɛrɛ ye ko-rayirɛ kɛla ka bɔ Alla bolo, dogbɛrɛ ye kumala kan-gbɛrɛ rɔ, mɔgɔ-gbɛrɛ ye a kan latenbila ka a kɔrɛ fɔ.

Hiburunu 10:25

Ma kana fara ma nyɔgɔn nadɛnna. Ma kana ma iko minnu ti ta ladɛn rɔ. Ma ni ma nyɔgɔn makawandi bɛrɛkɛ, ado bawo Mari na tele ara gbɛrɛn, a fisa, ma ni to ladɛn kɛla dɛɛ!

1 Pita 2:14

a mara a sigisɔn-mansa la wo. Alla ara wonu sɔ alako anu ni ko-yogoma-kɛlɛnu tɔrɔ anubɛ ka ko-nyima-kɛlɛnu matɔgɔ,