1 Kɔrɛnti 10:10 - ALLALA KUMƐ

¹⁰ Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

1 Kɔrɛnti 10:10 ပူးပေါင်းရင်းမြစ်များ

2 Samuwɛli 24:16

Marita niyi-bɔ-melika gbɛrɛnnɛ Yerusalɛm soe ma tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

1 Ko-Kɔrɔta-Karan 21:15

Wo kɔma, Alla ya niyi-bɔ-melika lata Yerusalɛm kasara tinɛ. Kɔnɔ yanni niyi-bɔ-melika ni wuli mɔgɛnu fagala Yerusalɛm soe burɔ tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Yaburi 106:25

Anu sigira anuna fani-bɔnnu na ka don gbunya-kuma-fɔɛ rɔ. Anu ma sɔn anu tole masɔla Mari la mumɛ!

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Bɔ-Koe-Iyipiti 15:24

Anu gbunyara Musa kɔrɔ ko, “Male si ma min mintɔ gbɛ?”

Yilan-Yilan Koe 14:2

Anu bara gbunya Musa anubɛ Aruna kɔrɔ. Anu ko, “A fisa nun, hali ma tora fagala Iyipiti. Hali ma fagara wula-da-rakolɔn kɛ rɔ yan.

Yilan-Yilan Koe 16:11

Ni wo ya gbunya-kumɛ fɔ Aruna ma, wo ma a fɔ Aruna dɔrɔn ma de! Wo ya a fɔ Mari nyɛrɛ le ma ken!”

Yilan-Yilan Koe 16:41

Wo wulun sɔgɔma, Isirɛla mɔgɛ bɛɛsi ya gbunya-kumɛ dabira Musa anubɛ Aruna ma ka a fɔ ko, “Wole ya Marita mɔgɛ donu faga le, yɔ!”

Yilan-Yilan Koe 17:10

Mari ya a fɔ Musa ye tun ko, “Arunata sewuri wo bi ka a lasɛgi a gbɛ rɔ kenkirɛ kɔrɔ. I si a lamara nyɔ habadan! Isirɛla mɔgɛnu si to anu hɛnkili lamirila sewuri kɛ ma ko anu kana murutiyɛ lawuli tun! Ni anu ya murutiyɛ lawuli tumɛ min, anu dama si faga tɛrr!”

Yilan-Yilan Koe 17:5

Ni nde ya mɔgɛ min yabɔ, wota kɔlɔma si a matii. Wo le si tɔn sigi gbunya-kumɛ la wo ma Isirɛla mɔgɛnu bolo.”

Kɛwɔlɛnu 12:23

Tiriyante wo rɔ, Marita melika ya Hɛrodi gbesi a rɔ. A buira dugi ma bawo a ma Alla gbiliya. Tɔ-a-la, tunbinu kɛra a rɔ ha a fagara.

Filipai 2:14

Wo tenbi ko-wo-ko kɛla, wo kana a kɛ gbunyɛ rɔ. Wo kana sɔsɔli sa wo nyɔgɔn tɛma.

Hiburunu 11:28

Dɛnkɛninyɛ le fɛ, a ya Kanan-Ko-Ladiyɛ dabira mɔgɛnu tɛma ka yele purupuru bonda-dɛnu ma alako niyi-tɛgɛ-melika kana Isirɛla mɔgɛnuna sarɛnu faga.

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.

Lankɛnimayɛ 16:1

Wo kɔma, n ya kuman-kan-ba lamɔɛn bɔla Alla-Bato-Bɔn la. A ye a fɔla melika wɔrɔnfilɛ wonu ye ko, “Pani-kunba wɔrɔnfilɛ minnu nafanɛ Allata diminyɛ la, wo ta wonu tawiya dugu-kole kuma pu!”