1 Kɔrɛnti 1:30 - ALLALA KUMƐ

³⁰ Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 1:30 ပူးပေါင်းရင်းမြစ်များ

Hɛnkilimaya-Kumɛnu 1:20

Wo ni wo tole masɔ! Hɛnkilimayɛ ye wo rakelela soe tɛma anubɛ fere mayira tinɛnu tɔ.

Hɛnkilimaya-Kumɛnu 2:6

Mari le si hɛnkilimayɛ anubɛ lɔnnɛ di mɔgɛ ma. Wo kɔma, a si a ma, i ni a nya-yen.

Hɛnkilimaya-Kumɛnu 8:5

Ni denniya-koe le i bolo ma, i fara wonu na. I ni don kinaya-ko-ladan rɔ. Ni i ye yuwaya-ko-ladan le la, i fara wo la. I ni don hɛnkilimaya-ko-ladan rɔ.

Aiseya 11:2

Marita Sɛnbɛ si hɛnkili di mansɛ wo ma. A si hɛnkilimayɛ anubɛ mɔgɛnu-namara-hɛnkili di a ma. A si Mari sako lɔn ka a gbiliya.

Aiseya 45:17

Kɔnɔ ale Mari le ye Isirɛla kisila, ado anu ko Isirɛla si to nɔlɛ kɛla burubukai! Anu ti yarabiyi sɔrɔn muk!

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Daniyɛli 2:20

“Hɛnkili-tigi anubɛ fanka-tigi le ale Alla la. Woletɔ n si ale tanto burubukai!

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Luka 11:49

Wola ko la, Alla anubɛ ala hɛnkilimayɛ ko a si nɛbinu anubɛ kilayɛnu sɔ wo benbanu bara. Anu si donu faga anu tɔ ka donu bɛnsɛnkɔninya.

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Yɔni 1:18

Mɔgɔ ma Alla yen bɛ. Allatalata Den kelen pe, Alla nyɛrɛ, kɔni, wo ara a Fa yira ma la, ado a gbɛrɛnnɛ a Fa ma.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 17:26

N bara a ma, anu bara i lɔn. Nba, n si to wo mala dɛɛ! N bi wo mala le alako i wara n keni nya min, keninteyɛ wo ni to anu tɔ. N bi wo mala le alako n si taran anu tɔ.”

Yɔni 17:8

I ya sarakanɛ min don n bolo, n bara wo lake anu ma. Anu bara sarakanɛ wo bira. Anu ya a lɔn yati, ko n bɔra ile le warɛ. Anu bara la a la gbɛ, ko ile le ya n sɔ.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

Romu 11:36

Ado nfan, ale le ya fan bɛɛ dan. Fan bɛɛ ye ale le baraka rɔ, ado atɛ le fan bɛɛsi la. Gbiliyɛ ni di ale Alla ma burubukai! Amina.

Romu 12:5

A ye wo nya na le fanan male dɛnkɛninya-mɔgɛnu tɛma. Hali ma siya, bagbu kelen de ma la Kirasiti rɔ. Ma dama latugunnɛ bagbu kelan wo la.

Romu 16:11

Hɛrodiyan fanan kɔndɔn. N Yahudiya-nyɔgɛ le. N na-kelen-nyɔgɔ dɛnkɛninya-mɔgɛnu kɔndɔn minnu bi Nasisala denbayɛ rɔ.

Romu 16:7

Andonaika anubɛ Yuniya kɔndɔn n ye. N Yahudiya-nyɔgɛ le wonu na minnu bi yele la n fɛ nun. Anu malɔnnɛ bɛrɛkɛ kilayɛnu tɛma, ado anu fɔlɔn dɛnkɛninyara nde ko.

Romu 4:25

Yisa fagara alako ma hakɛnu ma ni koto. A wulita alako ma la ni telen Alla ye.

Romu 4:6

Mansa Dawuda ya mɔgɛnu bara-koe fɔ minnu telenta Alla yala hali anu ma wɔli-nyima kɛ. A ko mɔgɔ-sewanɛ le wo mɔgɛnu na.

Romu 5:19

Mɔgɔ siyaman mara hakɛ-tigi la, mɔgɔ kelan kɛla kuma-birabɛlitayɛla ko la, ado mɔgɔ siyaman la si telen Alla ye ka a tɛgɛ doi wota kuma-birɛla ko la.

Romu 5:21

Nba, iko hakɛ ya mansayɛ kɛ mɔgɛnu kuma nya min ka sayɛ lana anu ma kɔnɔ Allata hinɛ fanan ye mansayɛ kɛla mɔgɛnu kuma ka mɔgɛnu natelen a nyɛrɛ ye wo nya na le ka ma ladon habadan-nimayɛ rɔ ma Mari Yisa, Allata-Mɔgɔ-Yabɔnɛ baraka rɔ.

Romu 8:1

Wole minnu bi Kirasiti Yisa rɔ kaka, yiliki-wo-yiliki sa wo ma

Romu 8:23

Kɔnɔ dali-fan dɔrɔn ma. Allala sanba fɔlɔtɛ le ata Ni-Sɛnimɛ la. Hali wo taranta ma bolo, ma ye Alla makɔnɔna tumɛ min, male fanan bi kurunna alako ma ni ma ala dannu na. Min tenbira wo la, a si ma hɔrɔya ka fɛrɛ-bɔnku-kurɛ di ma ma.

Romu 8:9

Kɔnɔ wo sa ko ladanna tun iko wo kɛ-nya-kɔrɛ ye a fɔla wo ye nya min. Ni Allata Ni-Sɛnimɛ ye wo yisi rɔ, wo si ko ladan iko ale Ni-Sɛnimɛ ye min fɔla wo ye. Kɔnɔ Kirasitita Niyi sa mɔgɛ min tɔ, Kirasitita ma wo la.

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

1 Kɔrɛnti 1:24

Kɔnɔ Alla ara male minnu kele, a mara Yahudiya la wo, a mara sibolo-gbɛrɛ la wo, Allata sɛnbɛ anubɛ ata hɛnkili le ale Kirasiti la,

1 Kɔrɛnti 12:18

Kɔnɔ iko a ye nya min, Alla ara sɔlɔmɔnya-su-siyamɛ tugun anu nyɔgɔn na iko a di a ye nya min,

1 Kɔrɛnti 12:27

Nba, Kirasiti bagbuyi le wo dama la. Kirasiti sɔlɔmɔnya do le wo kelen-kelennamɛ bɛɛ la.

1 Kɔrɛnti 12:8

Ata Ni-Sɛnima kelan wo si hɛnkilimaya-kumɛ di do ma. Lɔnnɛ ye kawandili min tɔ, a si sɛnbɛ wo di mɔgɔ-gbɛrɛ ma fanan.

1 Kɔrɛnti 4:15

ado hali karan-mɔgɔ waga-yirika ye wo bolo Kirasiti rɔ, fa kelen de ye wo bolo. N bara kibara-nyimɛ lana wo ma min kɛ, n bara ma wo fa la Kirasiti Yisa rɔ wo nya le.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

2 Kɔrɛnti 12:2

A ara san tan-ni-nani bɔ gbɛ, dɛnkɛninya-mɔgɛ do layɛlɛta san-kole bɛɛ kuma pon! (Ni a nyɛrɛ le yɛlɛta, ka, ni a ya ko-rayirɛ le yen dɔrɔn, n ma wo lɔn. Alla kelen pe le ya wo lɔn.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.

Ɛfɛsa 1:14

Alla ara wo yili-madiya koe min na, wo dabirɛ le ale ata Ni-Sɛnimɛ la ma ye. Ma lanɛ a la feu, ko Allatɛ ye minnu na, a si hɔrɔya-kanbalinɛ di wonu fanan ma. Ma ni a tanto wona ata gbiliyɛla ko la!

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Kɔlɔsi 1:14

Alla le ya ma hakɛ bɛɛ makoto Yisata sayɛ fɛ, min ya a ma, ma ara hɔrɔya.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

1 Yɔni 5:6

Yisa Kirasiti nara yi anubɛ yele le fɛ. A ma na yi gbansan fɛ fɔ a filɛ bɛɛ, yi wo, yele wo. Ata Ni-Sɛnimɛ nyɛrɛ ye a mayirala ko tonyɛ le kɛ la bawo ata Ni-Sɛnimɛ, tonyɛ le,

Lankɛnimayɛ 14:4

Mɔgɛ wonu ma anu nyɛrɛ latinya musinu fɛ. Kei-lasolonnɛ le anu dama la. Saga-dan tara kan-bo-kan, anu si bila a fɛ nyɔ. Anu kunkara mɔgɔ-toenu tɛma, ado anu denu fɔlɔn mara Alla anubɛ saga-dantɛ la.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.