1 Kɔrɛnti 1:29 - ALLALA KUMƐ

²⁹ Wo kɔrɛ le ko hali mɔgɔ-den-kelen ti ke a nyɛrɛ matɔgɔla Alla yala.

1 Kɔrɛnti 1:29 ပူးပေါင်းရင်းမြစ်များ

Aiseya 10:15

Kɔnɔ ale Mari ko tɛgɛran si a fɔ ko a sɛnbɛ kolo a lawɔlilɛtɛ ko? Sɛrɛ sɛnbɛ kolo a lawɔlilɛtɛ ko? A ko gbelekɛ ti mɔgɛ kɔrɔbi. Mɔgɛ le si gbelekɛ kɔrɔbi.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Romu 15:17

N si ke n nyɛrɛ matɔgɔla nta wɔlɛla ko la Alla ye Kirasiti Yisa baraka rɔ.

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 3:27

Nyɛrɛ-matɔgɛ sa kɛ fenfen tɔ bawo Alla ma ma latelen a nyɛrɛ ye tɔn-birɛ fɛ. Ka a tɛgɛ mata dɛnkɛninyɛ ma Yisa ma, a ara ma latelen a nyɛrɛ ye,

Romu 4:2

Ni ma benba Iburayima telenta Alla yala a nyɛrɛta kɛwɔlɛnu fɛ, nyɛrɛ-matɔgɔ-kunyɛ ye a bolo nun worɔ. Kɔnɔ a ti ke a nyɛrɛ matɔgɔla Alla yala mumɛ!

1 Kɔrɛnti 1:31

Iko a sɛbɛnɛ Allala kitabu rɔ nya min ko, “Ni min bi a nyɛrɛ matɔgɔla, Mari ara min kɛ a ye, a ni to wo le fɔla mɔgɛnu ye.”

1 Kɔrɛnti 4:7

Yon ya wo lafisaya donu ko? Fan min bɛɛ ye wo bolo, Alla le ma wonu di wo ma, wa? Nba, nfenna wo ye wo nyɛrɛ matɔgɔla iko min bi wo bolo, ale le ma wo di wo ma, wa?

1 Kɔrɛnti 5:6

Wola wasinteyɛ ma bɛn mumɛ! Wo ma a lɔn ko ni mɔgɔ kelen tora hakɛ kɛla wo tɛma, tɔrɛ si nyɛnsɛn wo bɛɛ tɛma, wa? Wo ya kumɛ wo lɔn ko, “Biredi-yɛlɛ-fan doni si a ma, biredi wo bɛɛ ni yɛlɛ.”

Ɛfɛsa 2:9

Nyɛrɛ-matɔgɔ mumɛ sa a rɔ bawo wo ma kɛ ma nyɛrɛta sɛnbɛ fɛ.