1 Kɔrɛnti 1:28 - ALLALA KUMƐ

²⁸ Duninya ye yoola min ma ka a bɔrɔbɔ ko fen ma, Alla ya wo le yabɔ. A ya wo yabɔ alako duninya ya min lɔn ko-wɛ la, a ni wo ma fuyi la.

1 Kɔrɛnti 1:28 ပူးပေါင်းရင်းမြစ်များ

Yobu 34:24

Alla si kun-tiginu bɔ anu sɔ tinɛ rɔ hali a ma mɔgɔ manyinika. A si dogbɛrɛnu sigi anu gbɛ rɔ.

Yaburi 32:10

Fɔ karagbɛlɛnu ba tɔrɔya kɔnɔ minnu lanɛ Mari la, wonu bi kananna ka a tɛgɛ ala keninteya-dannatɛgɛbɛlɛ ma.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Aiseya 41:12

Anu bara-koe si ka-a-la duninya rɔ. Wo si wo yɛ lakalan wo yogenu ma kɔnɔ wo ti anu yen.

Romu 4:17

Iko a sɛbɛnɛ Allala kitabu rɔ nya min, Alla ya a fɔ Iburayima ye ko, “N bara i ma sibolo-siyaman benba la,” ado lanyiri wo kanbalita bawo Iburayima dɛnkɛninyara Alla ma. A lanɛ a la ko Alla si furinu nawuli, ado Allata kumɛ si a ma, fan minnu sa nyɔ nun, wonu ni taran nyɔ.

1 Kɔrɛnti 1:20

Nba, hɛnkilimɛnu anubɛ tɔn-karan-mɔgɛnu anubɛ sɔsɔli-sala-wɛnu, wonu bi kama? Alla ara a lagbɛ ko duninya kɛ hɛnkilimayɛ, yuwaya-koe le wo la!

1 Kɔrɛnti 2:6

Hali wo, wole minnu lanɛ Yisa la gben, n bi hɛnkili-su-do labɔla wo ye, duninya-hɛnkili ma min na. Duninya kɛ kun-tigi minnu bi nala tenbila, hɛnkili kɛ sa iko anutɛ ye nya min.

2 Kɔrɛnti 12:11

Wole le wara a ma, n bara kun-takolonyɛ kɛ. A bɛnta wole ni n matɔgɔ nun. Hali fen ma nde la wo yala, wola kilaya-makawanɛ wonu fenfen ma tenbi nde la.

Tɔn-Fɔɛ-Fila-Nyɔgɛ 28:63

Iko Mari sewanɛ ya wo lasiyaya nya min ka wo ma fen-tiginu na, ni wo ma ala tɔnnu bira, a si sewa wo nya na le fanan ka wo ma bolo-kolɔnnu na ka wo rabunden sinini! A ye nala lanyiri-nyamanɛ min dila wo ma, a si wo wurun nyɔ rɔ.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Lankɛnimayɛ 18:17

A ara bɔnɔ ala nɔnfuli wo bɛɛ rɔ hawa kelen pe kɔrɔ!” Kulun-kun-tigi bɛɛ anubɛ kulun-tasigilɛ bɛɛ anubɛ kulun-tawɔli-kɛlɛnu anubɛ min bɛɛ ye anu beli-fan sɔrɔnna kɔgɔ-yi rɔ, wo bɛɛ ya a masɛgi ale soe wo la pon!