1 Kɔrɛnti 1:19 - ALLALA KUMƐ

¹⁹ ado a sɛbɛnɛ Allala kitabu rɔ ko, “N si hɛnkilimɛla hɛnkili tinya ka mɔgɔ-karannɛnuta lɔnnɛ ma fuyi la.”

1 Kɔrɛnti 1:19 ပူးပေါင်းရင်းမြစ်များ

Aiseya 19:11

Kun-takolɔn le Sowan so-burɔ mɔgɔ-banu na. Kun-takolonya-hɛnkili le ye Iyipiti mansɛla mɔgɔ-ba-hɛnkilimɛnu bolo. Anu bi a fɔɛ min kɛla Iyipiti mansɛ ye ko anu denu benba le fɔlɔ-mɔgɔ-ba-hɛnkilimɛnu na, yabatoya-kumɛ le wo la anu bolo.

Aiseya 19:3

Koe min bɛɛ rabɛnnɛ Iyipiti kɛnu bolo, a si wonu tinya anu ma pɔ! A si kumakɔɛ ladon anu tɛma. Anu si anuna bɛsɛnu madiya alako wonu ni anu dɛnbɛ. Anu si ta bolo-tafɛlɛnna-su bɛɛ wara alako wonu ni hɛnkili di anu ma.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Yɛrɛmaya 10:7

Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 8:9

Wola hɛnkilimɛnu na si yarabi. Anu kunyɛ ni don gbaran rɔ bawo anu bara anu ban anu tole-masɔ-koe ma Marita kumɛ la. Woletɔ Mari ko kun-takolɔn le anu na filili!

1 Kɔrɛnti 3:19

Duninya kɛ ya min lɔn hɛnkilimayɛ la, kuntanyɛ le wo la Alla yala. Iko a sɛbɛnɛ Allala kitabu rɔ nya min ko, “Alla si hɛnkilimɛnu bira anu nyɛrɛta halliyɛ rɔ.”

1 Kɔrɛnti 4:10

Kuntan le male la Kirasitila ko la kɔnɔ hɛnkili-bɔrɔ-tigi le wole la Kirasiti rɔ! Sɛnbɛ sa male bolo kɔnɔ sɛnbɛ ye wole bolo duk! Male lafɛyanɛ kɔnɔ wole gbiliyanɛ,

1 Kɔrɛnti 4:6

N na-kelen-nyɔgɛnu, n bara koe kɛ bɛɛ sanka mabɛ Apalasi ma wolela ko la. N bara male ma misalɛ la alako wo ni tili wo kɔrɛ lɔn mɔgɛnu bi min tɛgɛla ko, “Mɔgɔ kana tenbi kumɛ-dan kun na.” Wo fenfen kana wasi mɔgɛ do la ka do lafɛya.