1 Kɔrɛnti 1:17 - ALLALA KUMƐ

¹⁷ Kirasiti ma n sɔ batasi-koe la. A ya n sɔ kibara-nyimɛ fɔ-koe la, ado n sa kibara-nyimɛ wo fɔla darɔ-diyɛ anubɛ hadama-danta hɛnkilimayɛ la. Ni n ya wo ma, Kirasitita sayɛ ma mɔnɛ bɔ worɔ.

1 Kɔrɛnti 1:17 ပူးပေါင်းရင်းမြစ်များ

Yɔni 4:1

Nba, Farisinu ya a lamɔɛn ko Yisa ye karan-dannu sɔrɔnna Yɔni ko ka anu batasi.

Yɔni 4:2

Kɔnɔ Yisa nyɛrɛ sa batasili kɛla fɔ ala karan-dannu.

Kɛwɔlɛnu 10:48

Woletɔ a ya a fɔ anu ye ko anu ni batasi Yisa, Allata-Mɔgɔ-Yabɔnɛ tɔgɛ rɔ. Wo kɔma, anu fanan ya ale Pita madiya ko a ni to anu fɛ wati-ni kɔrɔ.

1 Kɔrɛnti 2:1

N na-kelen-nyɔgɛnu, n nara wo wara tumɛ min ka Allata gbundu-koe lagbɛ wo ye, n ma nna karan-bɛ anubɛ nna lɔnni-wɛ yira wo la.

1 Kɔrɛnti 2:13

Ale ata Ni-Sɛnimɛ ye wole min bolo, ma tenbi wo karanna, ma ti kuma wo ye iko hadama-dannu karannɛ nya min. Allata Ni-Sɛnimɛ ye ma karanna kumɛ minnu na, ma si wo karan wonu denu na.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 10:10

Do si a fɔ ko, “Min sɛbɛnɛ Pɔlita kɛdinu tɔ, wo gbɛlɛ ma wara la kɔnɔ ni ale nyɛrɛ ye ma fɛ, a ma gbɛlɛ wo nya. Fen ma ala kumɛnu na!”

2 Kɔrɛnti 11:6

Tumado, nde ma kusan kumala kɔnɔ n sa wo nya lɔnnɛ rɔ. Ma ara wo gbɛ wo ye koe bɛɛ rɔ.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

2 Pita 1:16

Ma ya wo lalɔn ma Mari Yisa, Allata-Mɔgɔ-Yabɔnɛta sɛnbɛ anubɛ ala nɛ la tumɛ min, ma ma bila mɔgɛnuna halliya-kumɛ fɛ. Ma ya ala gbiliya-wɛ yen ma nyɛrɛ yɛ la!