1 Ko-Kɔrɔta-Karan 9:19 - ALLALA KUMƐ

¹⁹ Salumu kɛ, Kɔri sɔrɛ do le ale la. Ibayasafi ya Kora sɔrɔn. Kora ya Salumu sɔrɔn. Salumu kɛnubɛ Kora sɔrɛ donu, wonuta wɔli le Bato-Bon don-da-makandan la iko anu benbanu ya Fani Bon dɛ makandan nya min nun.

1 Ko-Kɔrɔta-Karan 9:19 ပူးပေါင်းရင်းမြစ်များ

2 Mansɛnu 11:15

Bawo a ma di Saraka-Masɔla Yɛhoyada ye ko anu ni Atalaya faga Bato-Bɔn dafɛ nyɔ, woletɔ a ya a fɔ kandali-kɛlɛ wonuna kun-tiginu ye ko, “Wo ni a bi ka a labɔ. A ni ta kandali-kɛlɛnu tɛma. Ni mɔgɔ-wo-mɔgɔ bilara a fɛ ko a ye a lakisila, wo ni wo tigi faga.”

2 Mansɛnu 11:9

Kun-tigi wonu sɔnta Saraka-Masɔla Yɛhoyadala kumɛ wo ma. Minnu bi tala kandali-kɛ tinɛ Sulen-Tele ma wo, minnu bara anu boloka kandali-kɛla Sulen-Tele ma wo, anu tara wonu na Yɛhoyada wara.

2 Mansɛnu 12:10

Wo wa siyaya kenkirɛ rɔ, mansɛla kɛdi-sɛbɛlɛ anubɛ saraka-masɔla-wɛ si ta wodi wonu bɔ kenkirɛ wo rɔ ka a dan. Wo kɔma, anu si a kɛ bɔrɛnu tɔ ka anu dan lakiri.

1 Ko-Kɔrɔta-Karan 9:18

Salumu kɛ kebilɛ le Bato-Bɔn tele-bɔɛ waralɛ-dɛ makandanna, anu si min kele Mansa Don Dɛ. Fɔlɔ nun, dɛ minnu bi Lifayi mɔgɛnuna dagɛ wara la, anu bi wonu denu makandanna.

1 Ko-Kɔrɔta-Karan 9:20

Fɔlɔfɔlɔ nun, Finihasila den Ɛliyasa, wo le ye da makandannɛnu kun na nun, ado Mari tora a fɛ.

Yaburi 42:1

E, Alla, iko yi-kimani-sɔgɛ si woyan bira nya min, i sɔgɛ si n bira wo nya na le.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 49:1

N bi kumɛ min fɔla, duninya-mɔgɛ bɛɛ ni a tole masɔ kɛ la.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Yɛrɛmaya 52:24

Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, anubɛ Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.