1 Ko-Kɔrɔta-Karan 9:18 - ALLALA KUMƐ

¹⁸ Salumu kɛ kebilɛ le Bato-Bɔn tele-bɔɛ waralɛ-dɛ makandanna, anu si min kele Mansa Don Dɛ. Fɔlɔ nun, dɛ minnu bi Lifayi mɔgɛnuna dagɛ wara la, anu bi wonu denu makandanna.

1 Ko-Kɔrɔta-Karan 9:18 ပူးပေါင်းရင်းမြစ်များ

1 Mansɛnu 10:5

Mansɛ ye dɔn-fen-sufa min dɔnna ala tebulu kuma, musi wo ya wonu yen a yɛ la min kɛ, a yɛ bɔra wonu na ka kawa. A ya ala mɔgɔ-banu sigi-bole yen anu sansan-yili ma tebulula foolɛ rɔ nya min, a yɛ bɔra wonu fanan na ka kawa. Wo kɔma, a ya mansɛla wɔli-kɛlɛnu makiri-nya anubɛ ala baan-bɔlɛnu yen nya min, a yɛ bɔra wonu fanan na ka kawa. Wo kɔma fanan, a tara Mari Bato-Bɔn la ka saraka-mintantɛnu yen Mansa Silamɛni ye minnu dila Mari ma nyɔ. A ya kɛ dama yen a yɛ la min kɛ, a kawara ha a ya a bole sa a dɛ la.

2 Mansɛnu 11:19

Saraka-Masɔla Yɛhoyada wo, mansa-kurɛ wo makandannɛnu wo, mansa-kurɛ wola bolon-makandannɛnu wo, anubɛ kandali-kɛlɛ wonuna kun-tiginu wulita ka bɔ Mari Bato-Bɔn la ka ta mansa-kurɛ wo to tinɛ ala bolɔn la. Anu tamatoe, anu bɔra don-dɛ la min tɔgɛ Kandannɛnuta Don-Dɛ. Mɔgɛ bɛɛ bilara anu fɛ. Mansa Yohasi sigira mansaya-waganɛ rɔ.

2 Mansɛnu 16:18

Ale mansɛ ya ala waganɛ wo sɔ tinɛ labɔ Bato-Bɔn kata kɔma. Ale mansɛ si tenbi kan min ka don Mari Bato-Bɔn kata burɔ, a ya nyɔ lafaga. A ya wo bɛɛ ma alako a ni Asiriya Mansa Pulu hɛnɛ.

1 Ko-Kɔrɔta-Karan 9:17

Bato-Bɔn da-makandannɛ minnu sigira Yerusalɛm, wonu tɔgɛ le kɛnu na, Salumu wo, Akubu wo, Talamɔn wo, anubɛ Ahaiman. Anuna kun-tigi le anu na-kelen-nyɔgɛ Salumu kɛ la.

1 Ko-Kɔrɔta-Karan 9:19

Salumu kɛ, Kɔri sɔrɛ do le ale la. Ibayasafi ya Kora sɔrɔn. Kora ya Salumu sɔrɔn. Salumu kɛnubɛ Kora sɔrɛ donu, wonuta wɔli le Bato-Bon don-da-makandan la iko anu benbanu ya Fani Bon dɛ makandan nya min nun.

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Isikiyɛli 44:1

Ko-rayirɛ kɛ rɔ, kei wo tara n na kata burɔ tenbi-bolɔn tele-bɔɛ wara la. N ya a taran, tenbi-bolɔn wo don-dɛ latogonnɛ.

Kɛwɔlɛnu 3:11

Namara-kɔrɛ wo kirita Pita anubɛ Yɔni ma tumɛ min, mɔgɛ bɛɛ kawara ka anu buri anu wara ka ta Alla-Bato-Bɔn dandan kɔrɔ min tɔgɛ ko, “Silamɛnita Dandan Kɔrɛ.”