1 Ko-Kɔrɔta-Karan 9:13 - ALLALA KUMƐ

¹³ Saraka-masɔlɛ minnu ma ara dan kɛ la, kebila-kunyɛ le wonu na. Wonu yatɛ bɛnta mɔgɔ waga kelen, mɔgɔ kɛmɛ wɔrɔnfila ani mɔgɔ bi-wɔrɔ (1,760) ma. Saraka-masɔlɛ wonu ya Bato-Bon-ko-wɔlɛ lɔn a nya bɛrɛbɛrɛ ma.

1 Ko-Kɔrɔta-Karan 9:13 ပူးပေါင်းရင်းမြစ်များ

1 Ko-Kɔrɔta-Karan 26:30

Hiburɔn kegeya-mɔgɛ do ye nyɔ min tɔgɔ Hasabaya. Wonubɛ a na-kelen-nyɔgɔ-hɛnkilima mɔgɔ waga kelen ani mɔgɔ kɛmɛ wɔrɔnfila (1,700) siginɛ Isirɛla mɔgɛnu kun na Yorodan bɛ tele-yigi wara la. Anu siginɛ Isirɛla mɔgɛnu kun na ka mansɛta wɔlɛ kɛ katarala Marita wɔlɛ ma.

1 Ko-Kɔrɔta-Karan 26:32

Mansa Dawuda ya wonubɛ a na-kelen-nyɔgɔ-hɛnkilima mɔgɔ waga fila ani mɔgɔ kɛmɛ wɔrɔnfila (2,700) yabɔ ka wonu sigi Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ kun na Yorodan bɛ tele-bɔɛ wara la. Anu siginɛ Isirɛla mɔgɛ wonu kun na ka mansɛta wɔlɛ anubɛ Marita wɔlɛ kɛ.

1 Ko-Kɔrɔta-Karan 26:6

Obɛdi-Idɔmla sarɛ Sɛmaya, wo fanan ya den-kei mɔgɔ wɔrɔ sɔrɔn. Dan wonu tɔgɛ le kɛnu na, Ɔtini wo, Rɛfeyɛli wo, Obɛdi wo, Ɛlisabadi wo, Ɛlihu wo, anubɛ Sɛmakaya. Kun-tigi le Sɛmayala dan kɛnu na anuna kebilɛ rɔ bawo anu si ke ko-siyaman mala anu nyɛrɛ ma. Ɛlihu anubɛ Sɛmakaya wonu kusan da-makandan la doi wonu ko.

1 Ko-Kɔrɔta-Karan 9:14

Lifayi bɔnsɔn-mɔgɛ minnu sigira Yerusalɛm soe burɔ, wonu tɔgɛ le kɛnu na, Sɛmaya wo, Bakibakari wo, Hɛrɛsi wo, Kelali wo, Matanaya wo, Hɔbadaya wo, anubɛ Bɛrɛkaya. Sɛmaya wo benbanu tɔgɛ le kɛnu na, Hasubu wo, Asiraikam wo, anubɛ Hasabaya. Wonu bɔra Mɛrari kebilɛ rɔ. Matanaya wo benbanu tɔgɛ le kɛnu na, Maika wo, Sikiri wo, anubɛ Esafi. Hɔbadaya wo benbanu tɔgɛ le kɛnu na, Sɛmaya wo, Kelali wo, anubɛ Yɛdutun. Bɛrɛkaya wo fa tɔgɛ le Esa. Esa wo benba tɔgɛ le Ɛlakena. Ɛlakena kɛ sigira Nɛtofa soe tɛngbɛnya do rɔ.

Nihɛmaya 11:14

Kebilɛ kɛ rɔ, mɔgɔ kɛmɛ anubɛ mɔgɔ mogan-ni-segin mara kɛlɛ-den-tagbɛlɛnu na. Anuna kun-tigi le Hagidolila den Sabadiyɛli la.