1 Ko-Kɔrɔta-Karan 8:40 - ALLALA KUMƐ

⁴⁰ Kɛlɛ-kɛla-nyana le Ulamna den-keinu na. Anu kusan kɛlɛ kɛla kalabɛn la dɔgɔma-ma-de! Ka a bi ale Ulamna dannu ma ka a sigi a mamanɛnu na, wonu yatɛ bɛnta mɔgɔ kɛmɛ ani mɔgɔ bi-loli (150) ma. Bɛnyamɛ bɔnsɔn-mɔgɛ le anu dama la.

1 Ko-Kɔrɔta-Karan 8:40 ပူးပေါင်းရင်းမြစ်များ

1 Ko-Kɔrɔta-Karan 12:2

Bɛnyamɛ bɔnsɔn-mɔgɛ le anu na, ado Mansa Sɔli na-kelen-nyɔgɛ le anu na fanan. Anu kusan kalabɛn lakɛla, ado anu kusan lenfiran tiila anu bolo filɛ bɛɛ la.

1 Ko-Kɔrɔta-Karan 8:39

Esɛli na-kelen-nyɔgɛ min tɔgɛ Isɛki, wo ya den-kei mɔgɔ sawa sɔrɔn, Ulam wo, Yewusi wo, anubɛ Ilifɛlɛti.

1 Ko-Kɔrɔta-Karan 9:1

Anu ya Isirɛla kebilɛ bɛɛ tɔgɛ sɛbɛ Isirɛla mansɛnuna buku do rɔ iko kebilɛ wonu tugunnɛ anu nyɔgɔn na nya min. Kɛlɛ tara Yuda kɛnu na Babilɔn nyamanɛ rɔ ka a tɛgɛ anuna hakɛla ko ma.

2 Ko-Kɔrɔta-Karan 14:8

Kɛlɛ-dan mɔgɔ waga kɛmɛ sawa (300,000) ye Mansa Esa bolo Yuda nyamanɛ rɔ. Nɛgɛ-walannu anubɛ tanbɛnu bi anu dama bolo. Kɛlɛ-dan mɔgɔ waga fila mɔgɔ waga bi-segin (280,000) ye a bolo ka bɔ Bɛnyamɛ bɔnsɔn-mɔgɛnu tɔ. Nɛgɛ-walannu anubɛ kalabɛnnu bi wonu bolo. Anu kerinte, ado anu kusan kɛlɛ kɛla.