1 Ko-Kɔrɔta-Karan 7:29 - ALLALA KUMƐ

²⁹ Soe minnu mara Manasa bɔnsɔn halalɛ la, wonu tɔgɛ le kɛnu na, Bɛti-San wo, Teyanaka wo, Magidɔ wo, Dɔɔ wo, anubɛ so-mɛsɛ minnu bi wonuna foolɛnu tɔ. Soe minnu mara Yakobala den Yusufu bɔnsɔntɛ la, wo le wonu na.

1 Ko-Kɔrɔta-Karan 7:29 ပူးပေါင်းရင်းမြစ်များ

1 Mansɛnu 4:12

Ahiludila den Beyana ye Teyanaka anubɛ Magidɔ soenu kun na. A ye Bɛti-Seyan sigisɔn-nyamanɛ kun na fanan min bi Saraten soe dafɛ, Yɛsɛreli soe dugula wara la. Ala sigisɔn-nyamanɛ wo le ye tala furr, ha ka ta ke Abɛli-Mɛhola soe anubɛ Yokameyam soe ma.

1 Mansɛnu 9:15

Mansa Silamɛni ya mɔgɛnu fɔrɔsɛ Mari Bato-Bɔn anubɛ a nyɛrɛta bolɔn sɔ tinɛ. Hali a ya mɔgɛnu fɔrɔsɛ ka lɛnbɛn-lɛnbɛnya-rasiginɛ rakɛ soe tele-bɔɛ wara la. Wo kɔma, a ya anu fɔrɔsɛ ka soe tarɛ sɔ. Hali tonbon sawɛ kɛ, Hesɔ wo, Magidɔ wo, anubɛ Kisari, a ya anu fɔrɔsɛ ka wonu sɔ a kurɛ la.

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Mansɛnu 9:27

Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

2 Ko-Kɔrɔta-Karan 35:22

Kɔnɔ Mansa Yosaya yisi sɔnɛ a kɛlɛ-koe la sokesoke! Mansa Niko ara Allata kumɛ min fɔ a ye wo la, ale Mansa Yosaya ma a wɔlɔ matɔlɔ wo la. A ya a nyɛrɛ mayɛlɛma ka ta Niko kɛlɛ tinɛ Magidɔ lɛɛ rɔ.

Sakaraya 12:11

Wo wati wa ke, a ko anu si di Yerusalɛm soe burɔ iko anu ya a ma nya min Hedadi-Rimɔn soe burɔ Magidɔ lɛɛ rɔ.

Lankɛnimayɛ 16:16

Nba, nyina-yogomɛ wonu ya mansɛ wonu madɛn kan tinɛ wo rɔ min tɔgɛ Hiburu-kan rɔ, “Aramagɛdon.”

Kɛlɛ-Kurugbɛnu 5:19

“Kenan mansɛnu nara ma kɛlɛ yi do dafɛ min bi Teyanaka soe anubɛ Magidɔ soe tɛma kɔnɔ anu ma ke tala mala nɔnfuli fenfen na anu bolo.

1 Samuwɛli 31:10

Anu ya ala kɛlɛ-miran wonu sa anuna bɛsi Asitɔra kɔ tinɛ. Anu ya anubɛ ala furi gbangban dandan ma Bɛti-San soe burɔ.