1 Ko-Kɔrɔta-Karan 6:60 - ALLALA KUMƐ

⁶⁰ Anu ya soe minnu sɔrɔn Bɛnyamɛta nyamanɛ rɔ, wo le kɛnu na, Kiba wo, Alɛmɛti wo, Anatɔti wo, anubɛ kolo-fen de-nyini tinɛ minnu bi nyɔnuna foolɛ rɔ. Wo bɛɛ mara anu halalɛ la. Aruna kegeyɛ ya soe minnu sɔrɔn, wo bɛɛsi lakofunɛ bɛnta so tan-ni-sawa ma.

1 Ko-Kɔrɔta-Karan 6:60 ပူးပေါင်းရင်းမြစ်များ

1 Mansɛnu 2:26

Mansɛ ya a fɔ Saraka-Masɔla Abiyatari ye ko, “I ni ta i warɛ Anatɔti soe burɔ. A bɛnnɛ ile fanan ni faga nun kɔnɔ n ti i faga kaka kamasɔrɔn ile le ya Mari Allata tɔn-kenkirɛ maduni n fa Mansa Dawuda ye. I ya tɔrɔyɛ sɔrɔn n fa fɛ.”

1 Ko-Kɔrɔta-Karan 6:59

Asan wo, Bɛti-Simɛsi anubɛ kolo-fen de-nyini tinɛ minnu bi nyɔnuna foolɛ rɔ. Wo bɛɛ mara anu halalɛ la.

1 Ko-Kɔrɔta-Karan 6:61

Manasa bɔnsɔn-talɛ min bi tele-yigi wara la, Kohati kegeya-toe ya so-kun tan sɔrɔn wonu fanan tɛma.

1 Ko-Kɔrɔta-Karan 8:6

Ehudi sɔrɛ do le kɛnu na, Neyaman wo, Ahaya wo, anubɛ Kɛra. Kebila-kunyɛ le kɛnu dama la Kiba soe burɔ. Kɔnɔ mɔgɛ do ya anu gben nyɔ. Anu tara sigi Manahati soe burɔ. Kɛra min ya Yusa anubɛ Ahayihudi sɔrɔn, wo le sɔra anu yarɔ ka ta nyɔ rɔ.

Nihɛmaya 12:29

Donu nara ka bɔ Bɛti-Kiligali soe burɔ. Donu nara ka bɔ Kiba soe burɔ. Donu nara ka bɔ Asamafɛti soe burɔ.

Aiseya 10:30

Wole Kalimu mɔgɛnu, wo di soee! Wole Layisa kɛnu, wo ni wo tole rabalan. Wole Anatɔti kɛnu, wo kofu wo ta-nyɔgɛnu ma di-kɛ-tinɛ.

Yɛrɛmaya 1:1

Nde, Helikayala den Nɛbi Yɛrɛmaya, anubɛ n na-kelen-nyɔgɔ bɛrɛbɛrɛnu bi saraka-masɔlayɛ la Anatɔti soe burɔ Bɛnyamɛ nyamanɛ rɔ. Amɔnna den Yosayata san tan-ni-sawa nyɔgɛ ma mansayɛ la Yuda nyamanɛ rɔ, Mari fɔlɔta kumala nde, Nɛbi Yɛrɛmaya ye san wo le la. Yahoyakim siginɛ a fa Yosaya gbɛ rɔ mansayɛ la tumɛ min, Mari kumara n ye tun. Mansa Yosayala den-gbɛrɛkɛ Sɛdɛkaya, wo ya san tan-ni-kelen anubɛ karɛ loli le bɔ mansayɛ la Yuda nyamanɛ rɔ. Wati wo mumɛ bɛɛ kɔrɔ, Mari kumara n ye iko siyaman. Wo kɔma, kɛlɛ tara Yerusalɛm kɛnu na. Nde, Yɛrɛmayata kumɛ le kɛnu na.

Yɛrɛmaya 11:23

A ko mɔgɔ-wo-mɔgɔ ti to a niyi la Anatɔti soe burɔ. A ko a si kasarɛ lana anu kuma anu tɔrɔ-san wo nyɛrɛ ma.

Yɛrɛmaya 37:12

N bɔɛ Yerusalɛm ka ta nna fen-sannɛ yabɔ Bɛnyamɛ nyamanɛ rɔ,

Yasowa 18:24

Kifarahamoni, Ɔfɔni, anubɛ Kiba. Wo bɛɛsi lakofunɛ so tan-ni-fila, anu dafɛ-so-nɛnu bɔnɛ a la.

1 Samuwɛli 13:3

Yonatan tara bui Filisitinu ma Kibiya dagɛ rɔ. Filisiti doinu ya kumɛ kɛ lamɔɛn tumɛ min, Mansa Sɔli ya kɛlɛ-kɛ buru-fɛlɛnu nata Isirɛla nyamanɛ rɔ alako Hiburu damasi ni na kɛlɛ-kɛ-tinɛ.