1 Ko-Kɔrɔta-Karan 6:33 - ALLALA KUMƐ

³³ Kebilɛ minnu bi wɔlɛ wo kɛla, wonu tɔgɛ le kɛnu na. Minnu bɔra Kohati kebilɛ rɔ, sigi-sala-kurun fɔlɔtɛ minnu bi nyɔ, Yowɛlila den Himan le wonu kun na. Yakoba kebila-mɔgɛ do le ale Himan na. Ka a bi Himan kɛ ma ka a sigi Yakoba la, wonu tɔgɛ le kɛnu na. Himan fa le Yowɛli la. Yowɛli fa le Samuwɛli la.

1 Ko-Kɔrɔta-Karan 6:33 ပူးပေါင်းရင်းမြစ်များ

1 Ko-Kɔrɔta-Karan 15:17

Minnu kusan karanya gbesila, wonu tɔgɛ le kɛnu na. Yowɛlita den Himan wo, a kebila-nyɔgɛ Esafi min fa tɔgɛ Bɛrɛkaya wo, anubɛ Kusayala den Itan min bɔra Mɛrari kebilɛ rɔ. Minnu kusan sɔrɔn fɔla, wonu fanan tɔgɛ le kɛnu na. Sakaraya wo, Yeyasiyɛli wo, Sɛmiramoti wo, Yehiyɛli wo, Yuni wo, Ɛliyabu wo, Meyaseya wo, anubɛ Bɛnaya. Minnu kusan bɔlɔn fɔla, wonu fanan tɔgɛ le kɛnu na. Matetaya wo, Ilefɛle wo, Mikineya wo, Asasaya wo, anubɛ anuna bato bɔn da kandannɛnu, Obɛdi-Idɔm anubɛ Yeyɛli.

1 Ko-Kɔrɔta-Karan 23:2

Mansa Dawudala Isirɛla mɔgɔ-ba wo, a saraka-masɔla wo, a Lifayi bɔnsɔn-mɔgɔ wo, a ya wo damasi kundɛn kan-tina-kelen.

1 Ko-Kɔrɔta-Karan 23:5

A ya mɔgɔ waga nani (4,000) bi alako wonu ni to kan tinɛ wo makandanna. A ya a nyɔgɔn waga nani (4,000) bi tun alako wonu ni to Mari tantola tolon-fannu na Mansa Dawuda ya minnu nadan bato-ko-wɔlɛ wola ko la.

1 Ko-Kɔrɔta-Karan 6:28

Samuwɛli ya den-kei mɔgɔ fila sɔrɔn. Ala sarɛ le Yowɛli la. Wo tatugunnɛ le Abaya la.

1 Ko-Kɔrɔta-Karan 6:32

Yanni Mansa Silamɛni ni Bato-Bɔn sɔ tumɛ min, bɛɛ kɛnɛna ata wɔlɛ kɛla a wati rɔ Marita Fani-Bɔn wo la.

1 Ko-Kɔrɔta-Karan 6:34

Samuwɛli fa le Ɛlakena la. Ɛlakena fa le Yɛroham la. Yɛroham fa le Iliyɛli la. Iliyɛli fa le Towa la.

Yaburi 88:1

E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Yilan-Yilan Koe 3:6

“Na Lifayi bɔnsɔnnu na Aruna wara alako anu ni ma Aruna dɛnbɛnɛnu na ka saraka-masɔ-wɔlɛ kɛ.

1 Samuwɛli 1:1

Ifɛrɛm bɔnsɔn-mɔgɛ do ye nyɔ min tɔgɛ Ɛlakena. A siginɛ Rema soe burɔ Ifɛrɛmta kɔnkɔ-nyamanɛ rɔ. A fa tɔgɛ le Yɛroham. Yɛroham wo fanan fa tɔgɛ le Ɛlihu. Ɛlihu wo fanan fa tɔgɛ Tohu. Tohu wo fanan fa tɔgɛ le Sufu.

1 Samuwɛli 1:20

A ya buyi bi. Wati tenbinɛ, a ya dan sɔrɔn, den-kei. A ya dan wo tɔgɔ sa Samuwɛli bawo tɔgɛ wo kɔrɛ le, “A matarata Mari le ma.”

1 Samuwɛli 1:28

Kaka, n bara na a la ka a dantɛgɛ Mari ma. Fananta a ye a niyi la, Maritɛ le ale la.” Anu dama ya Mari bato nyɔ.