1 Ko-Kɔrɔta-Karan 5:25 - ALLALA KUMƐ

²⁵ Nba, Manasa bɔnsɔn-talɛ wo minnu bi tele-bɔɛ wara la, wonu ma anu telen anu benbanuta Alla ye. Alla ya mɔgɛ minnu gben anu yarɔ nun, anu donta wonuna bɛsɛnu kɔ-koe rɔ ka anu kan-kɔ sɔ anu benbanuta Alla la.

1 Ko-Kɔrɔta-Karan 5:25 ပူးပေါင်းရင်းမြစ်များ

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

1 Ko-Kɔrɔta-Karan 5:24

Minnu mara kebila-kunyɛ la anu tɔ, wonu tɔgɛ le kɛnu na, Ɛferi wo, Isi wo, Iliyɛli wo, Asireyɛli wo, Yɛrɛmaya wo, Hodafaya wo, anubɛ Yadeyɛli. Kebila-kunyɛ le anu na, ado kɛlɛ-kurugbɛ le anu na fanan. Anu mankan tara wuu!

1 Ko-Kɔrɔta-Karan 9:1

Anu ya Isirɛla kebilɛ bɛɛ tɔgɛ sɛbɛ Isirɛla mansɛnuna buku do rɔ iko kebilɛ wonu tugunnɛ anu nyɔgɔn na nya min. Kɛlɛ tara Yuda kɛnu na Babilɔn nyamanɛ rɔ ka a tɛgɛ anuna hakɛla ko ma.

Bɔ-Koe-Iyipiti 34:15

“Wobɛ nyamanita-mɔgɛ wonu kana lanyiri kiri wo nyɔgɔn tɛma. Wo kana sarakɛnu bɔ anuta allanu ye bawo anu donu si wo kele saraka dɔn tinɛ.

Hoseya 1:2

Mari ya kumɛ fɔlɔtɛ min don Nɛbi Hoseya bolo, a ko, “I ni musu-yɛlan furu bawo nyamanɛ bɛɛ ara ma yɛlan la ka a tɛgɛ anuna lanayabɛlitayɛ ma nde, Mari ye. Wobɛ musu-yɛlan kɛ ni dannu sɔrɔn.”

Hoseya 9:1

Wole Isirɛla mɔgɛnu, wo ni wo fara wola ladiyɛnu kɛla iko Alla-lɔnbɛlɛnu. Wo ara wo kan-kɔ sɔ wota Alla la ka ma telenbɛlɛnu na a ye. Wo ara wo nyɛrɛ ma iko musu-yɛlan ka wo nyɛrɛ latenbi wola bɛsi Beyali ma nyamanɛ kɛ mumɛ bɛɛ rɔ iko bɛsɛ wo le wo de-nyinina ka wola fui-fan sabati.

Lankɛnimayɛ 17:5

Tɔgɛ do sɛbɛnɛ ale musi wo telɛ ma min nya-yen-koe gbɛlɛ. A sɛbɛnɛ a ma ko, “Yɛlan bɛɛ anubɛ dugu-kolo-haramu-koe na le Babilɔn so-wɛ la.”

Kɛlɛ-Kurugbɛnu 2:12

Anu benbanuta Mari Alla min bɔra anu na Iyipiti nyamanɛ rɔ, anu ya anu ban wo la. Anu ya mɔgɛ minnu taran nyɔ, wonu bi bɛsɛ minnu kɔla, anu denu fanan donta bɛsɛ wonu kɔɛ rɔ. Wo le ya a ma, Mari fonde bɔra anu kuma.

Kɛlɛ-Kurugbɛnu 2:17

Kɔnɔ hali wo, kɛlɛ-kurugbɛ wonu bɔrɔ ti taran Isirɛla mɔgɛnu ye. Isirɛla mɔgɛnu si to mala tolo-gbɛlɛnu na ka bila bɛsɛnu fɛ. Hali anu fa kɛmɔgɛnu taranta Marila kumɛ birala nun, a ti mɛ lefan anuna dannu si bɔ Marita kilɛ fɛ.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”