1 Ko-Kɔrɔta-Karan 5:24 - ALLALA KUMƐ

²⁴ Minnu mara kebila-kunyɛ la anu tɔ, wonu tɔgɛ le kɛnu na, Ɛferi wo, Isi wo, Iliyɛli wo, Asireyɛli wo, Yɛrɛmaya wo, Hodafaya wo, anubɛ Yadeyɛli. Kebila-kunyɛ le anu na, ado kɛlɛ-kurugbɛ le anu na fanan. Anu mankan tara wuu!

1 Ko-Kɔrɔta-Karan 5:24 ပူးပေါင်းရင်းမြစ်များ

1 Ko-Kɔrɔta-Karan 12:21

Dawuda ya anu ma ala kɛlɛ-den-kunyɛnu na bawo anu sɛbɛ donnɛ kɛlɛ ma. Wo kɔma, anu mara kunyɛnu na Isirɛla kɛlɛ-dannu kun na.

1 Ko-Kɔrɔta-Karan 2:31

Nedabula den Apeyim ya Isi sɔrɔn. Isi wo ya Sesan sɔrɔn. Sesan ya Alayi sɔrɔn.

1 Ko-Kɔrɔta-Karan 5:23

Manasa bɔnsɔn-talɛ minnu bi Yorodan bɛ tele-bɔɛ wara la, wonu tara sigi Basan nyamanɛ rɔ. Anu tara sigila kantɔ-wara la ha ka ta ke Beyali-Hɛrɔman soe dafɛ anubɛ Siniri kɔnkɛ kɔrɔ, anu bi a fɔla kɔnkɛ min ma fanan ko Hɛrɔman. Anu tora yirila nyɔ ka siyaya.

1 Ko-Kɔrɔta-Karan 5:25

Nba, Manasa bɔnsɔn-talɛ wo minnu bi tele-bɔɛ wara la, wonu ma anu telen anu benbanuta Alla ye. Alla ya mɔgɛ minnu gben anu yarɔ nun, anu donta wonuna bɛsɛnu kɔ-koe rɔ ka anu kan-kɔ sɔ anu benbanuta Alla la.

1 Ko-Kɔrɔta-Karan 7:3

Tolala den Yusayi ya den-kei kelen sɔrɔn min tɔgɛ Isirahaya. Isirahaya wo ya den-kei mɔgɔ nani sɔrɔn, Maikali wo, Hɔbadaya wo, Yowɛli wo, anubɛ Isisiya. Kɛnu dama mara kebila kunyɛnu na.