1 Ko-Kɔrɔta-Karan 5:20 - ALLALA KUMƐ

²⁰ Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

1 Ko-Kɔrɔta-Karan 5:20 ပူးပေါင်းရင်းမြစ်များ

Ko-Dabirɛnu 25:21

Isiyaka ya Mari madiya ala musi ye kamasɔrɔn gbandɛ le. Mari ya ala madiyali-kan yabi. Ala musi ya buyi bi fɛrannu na.

Ko-Dabirɛnu 49:19

“Ile Kadi, mɔgɛnu si na bui i bɔnsɔn ma kɔnɔ wo kɔma, yili si sigi a tɛrɛn na. I bɔnsɔn ni anu gben.

1 Mansɛnu 22:32

Wonu ya Yuda Mansa Yɛhosafati yen min kɛ, anu ya a lɔn ko Isirɛla mansɛ le ale la nun. Anu wulita a kan ma. Kɔnɔ Mansa Yɛhosafati gbele-gbelenta min kɛ,

1 Ko-Kɔrɔta-Karan 5:21

Anu ya nyomo waga bi-loli (50,000) bi anu yogenu bolo. Anu ya saga waga kɛmɛ fila waga bi-loli (250,000) bi fanan. Wo kɔma, anu ya sofɛlɛ waga fila (2,000) bi. Wo kɔma, anu ya mɔgɔ waga kɛmɛ (100,000) bira kɛlɛ wo rɔ.

1 Ko-Kɔrɔta-Karan 5:22

Anu ya anu yogo-siyaman faga bawo Alla nyɛrɛta kɛlɛ le. Anu tora sigini nyamanɛ wo rɔ furr, fɔɔ Asiriya kɛlɛ tanɛ anu na.

2 Ko-Kɔrɔta-Karan 13:18

Yuda kɛlɛ-dannu ya Isirɛla kɛlɛ-dannu nɔ bawo anu lanɛ anu benbanuta Mari Alla le la.

2 Ko-Kɔrɔta-Karan 18:31

Wonu ya Yuda Mansa Yɛhosafati yen min kɛ, anu ya a lɔn ko Isirɛla mansɛ le ale la nun. Anu wulita a kan ma. Kɔnɔ ale Yɛhosafati gbele-gbelenta. Mari Alla ya a latanka ka wonu kunyɛ bɔ ale telen tɔ.

2 Ko-Kɔrɔta-Karan 20:12

Mata Alla le ile la. Kɛlɛ-den-siyamɛ minnu bara na ma kan ma kɛ la, ma dɛnbɛna-gbɛrɛ sa kɛlɛ kɛ rɔ fɔ ile. I yandi, na ma yoge kɛnu tɔrɔ ma ye. Ma kɔndɔfilinɛ. Ma yɛ bɛnnɛ ile le ma ma dɛnbɛn-koe rɔ.”

2 Ko-Kɔrɔta-Karan 26:7

Filisitinu wo, Arabu minnu siginɛ Kuru-Beyali wo, anubɛ Mɛhunnu wo, Alla ya ale Mansa Yusaya dɛnbɛ ka wonu nɔ.

2 Ko-Kɔrɔta-Karan 33:13

Alla ya ala matarali-kan wo lamɔɛn. A ya a ma, a sɛgira a warɛ Yerusalɛm ka ma mansɛ la tun. Wo ya a yira Mansa Manasa la ko Mari le Alla la.

Ɛsira 8:23

Woletɔ ma ara sunyɛ don ka Alla matara ma lakanan-koe la, ado a ya ma matarali-kan wo lamɔɛn.

Yaburi 37:39

Mari si mɔgɔ-telennɛnu nakisi. Anu tenbi kɔndɔfili rɔ, a si anu natanka.

Yaburi 37:40

A si anu dɛnbɛ ka anu nakanan. A si anu kanan karagbɛlɛnu masibɛ ma bawo anu denu si ta Mari wara anu nakanan-koe la.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Bɔ-Koe-Iyipiti 17:11

Fananta Musa kɔɛn layɛlɛnɛ san ma, Isirɛla kɛlɛ-dannu bi nɔ-ko sɔrɔnna. A wa a kɔɛn layigi tumɛ min, Amalɛkinu bi anu denu fanan nɔla.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Yɛrɛmaya 39:18

Ale Mari ko a si a lamara-nyimɛ-kɛ. Anu ti a faga. A ye wo mala bawo a ara a yigi sa ale Mari rɔ. Ale Mari kan le kɛ la.

Daniyɛli 6:23

Mansɛ sewara dɔgɔma-ma-de! Ale mansɛ ya a fɔ ala wɔli-kɛlɛnu ye ko anu ni Daniyɛli layɛlɛ ka a bɔ denkɛ rɔ yarɛnu kɔrɔ. Anu ya a layɛlɛ tumɛ min, hali a mawɔrɔ gbɛ, anu ma a yen a ma bawo ale lara Alla la.

Nehami 1:7

Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Yasowa 10:14

Ka a bi duninya-dan-wati ma, ha kaka, tele ma wo nyɔgɔn wati bɔ wɛ san ma ka a tɛgɛ mɔgɔ kelen wota madiyalɛ ma. Kɛ wati rɔ, Mari ya Isirɛla mɔgɛnu dɛnbɛ bɛrɛkɛ!”

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.

Yasowa 23:10

Hali wole mɔgɔ kelen si ke ka mɔgɔ waga kelen gben bawo wota Mari Alla ye kɛlɛ kɛla wo ye iko a ya lanyiri kiri nya min.

1 Samuwɛli 19:15

Anu tara wo fɔ Mansa Sɔli ye tumɛ min, Mansa Sɔli ya a fɔ wonu ye ko, “Wo ta. Wo ni a yen wo nyɛrɛ yɛ la. Wo kɔma, wo si anubɛ ala sofa bi. Wo ni na anu na n ma, n ni a faga.”

1 Samuwɛli 7:12

Samuwɛli ya kuru-gbui do bi ka wo sigi Misipa anubɛ Sɛn soenu tɛma. A ya a fɔ ko, “Ha kaka, Mari ye ma dɛnbɛna.” A ya kuri wo tɔgɔ sa “Dɛnbɛn Kuri.”