1 Ko-Kɔrɔta-Karan 29:9 - ALLALA KUMƐ

⁹ Mɔgɛnu sewanɛ ya fan wonu nabɔ Marila wɔlɛla ko la. Anu dama ya a yen min kɛ ko fen-siyamɛ wo nyɔgɔn bara bɔ, anu dama sewara anubɛ anuna mansɛ.

1 Ko-Kɔrɔta-Karan 29:9 ပူးပေါင်းရင်းမြစ်များ

1 Mansɛnu 8:61

Alamɛ wo sɔndɔmɛ gbɛra mata Mari Alla ye ka to ata tɔn bɛɛ birala iko wo ye a mala nya min kaka.”

2 Mansɛnu 12:5

Ni wodi kɛnu nara saraka-masɔlɛ minta wati rɔ, wo si na wodi wo la. Wodi wonu si ma Mari Bato-Bɔn fɛ-bira-fan la.”

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

2 Ko-Kɔrɔta-Karan 17:16

Wo fanan tatugunnɛ le Sikirila den Amasaya la. Kɛlɛ-dan mɔgɔ waga kɛmɛ fila (200,000) ye ale kɔrɔ. (Amasaya kɛ le ya a nyɛrɛ bɔ ka ma Marita kɛlɛ-dan do la.)

2 Ko-Kɔrɔta-Karan 24:10

Ala sarakanɛ wo ya a diya don kun-tiginu anubɛ anuna mɔgɛnu tɔ. Anu nara gbɛsɛ-gbɛsɛ wonu na ha kenkirɛ wo lafara.

2 Ko-Kɔrɔta-Karan 31:8

Mansa Hɛsakaya anubɛ ala mɔgɔ-banu ya a yen min kɛ ko nyamanita-mɔgɛnu bara na kɛ nyɔgɔn sufa la, anu ya Mari tanto ka Marita mɔgɛnu matɔgɔ fanan.

Ɛsira 1:6

Anu sigi-nyɔgɛ damasi ya anu magben ka fen-siyaman di anu ma, sɛnɛ wo, wodi-gbɛ-miran wo, anu beli-fen wo, dunu-bi-sogo wo, fen-kolomɛ donu wo, anubɛ anu bi tala kɔ-fan minnu na Bato-Bɔn la.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Luka 15:6

ka sɛgi a la a warɛ tun. Ni a kera nyɔ, a si a diyana-mɔgɛnu anubɛ a sigi-nyɔgɛnu nadɛn anu nyɔgɔn fɛ ka a fɔ anu ye ko, ‘Wo na, ma ni sewa ma nyɔgɔn fɛ bawo nna saga min tora-a-rɔ, n bara a yen!’

Yɔni 15:11

“N bara kɛ fɔ wo ye alako mala sewɛ da-ni-fa ma nyɔgɔn fɛ.

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

2 Kɔrɛnti 8:3

Tonyɛ le. Anu ya nilɛ kɛ iko anu sɛnbɛ ye nya min, hali min tenbira wo la. Mɔgɔ ma anu fɔrɔsɛ. Anu ya wo kɛ anu nyɛrɛ ma le.

Filipai 4:1

Woletɔ n na-kelen-nyɔgɛnu, wola ko di n ye dɛɛ! Wo yen-sɔgɛ ye n na bɛrɛkɛ! Wo ara n nasewa kati, ado n wasinɛ wola ko la a nya ma. N diyana na-kelen-nyɔgɛnu, wo ni wo sɔ gben Marila koe rɔ.

Filipai 4:10

N sewanɛ Mari rɔ kati! A ara wati-yan bɔ, wo ma wo miri n ma n dɛnbɛn-koe la kɔnɔ tɔ-a-la, nna ko-nyimɛ ye wo burɔ. N bara a lɔn ko nna hɔnya ye wo la. Wo ma fɛrɛ le sɔrɔn ka a mayira gbɛ rɔ dɔrɔn.

Kɛlɛ-Kurugbɛnu 5:9

N si baraka bira Isirɛla kun-tiginu ye anubɛ Isirɛla mɔgɛnu ye bawo anu ya anu nyɛrɛ bɔ ka anu niyi fili kɛlɛ rɔ. Ma ni baraka bira Mari ye wola ko la.