1 Ko-Kɔrɔta-Karan 29:30 - ALLALA KUMƐ

³⁰ A ya mansayɛ kɛ nya min anubɛ a ya fanka sɔrɔn nya min, anu ya wo dama sɛbɛ. Koe min bɛɛsi mara Mansa Dawuda la anubɛ koe min bɛɛsi kɛra nyamanɛ doinu tɔ, anu ya wonu fanan sɛbɛ tɛrr!

1 Ko-Kɔrɔta-Karan 29:30 ပူးပေါင်းရင်းမြစ်များ

2 Mansɛnu 10:34

Mansa Yehu ya minnu ma ala mansayɛ kɔrɔ, katarala a ya mansayɛ kɛ a sɛnbɛ-wɛ min na, anu ya wo bɛɛ sɛbɛ Isirɛla Mansɛnuna buku do rɔ.

2 Mansɛnu 14:28

Mansa Yɛrabowami kɛ ya koe min bɛɛsi ma ala mansayɛ kɔrɔ, katarala a ya kerinteyɛ min kɛ ka Damasika soe anubɛ Hamati soe bi a yogenu bolo, anu ya wo bɛɛ sɛbɛ Isirɛla mansɛnuna buku do rɔ.

1 Ko-Kɔrɔta-Karan 29:29

Ka a bi Mansa Dawudala wulɛ ma ha ka a sigi ala ban la, koe min bɛɛsi mara a wara-koe rɔ, nɛbi mɔgɔ sawa, wo le ya wo sɛbɛ, Nɛbi Samuwɛli wo, Nɛbi Netan wo, anubɛ Nɛbi Kadi, kɔni.

2 Ko-Kɔrɔta-Karan 1:1

Mansa Dawudala den Mansa Silamɛni kunta ala nyamanita-mɔgɛnu ma, ado ata Mari Allata duwɛ tora a fɛ ka ata sɛnbɛ makofu.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 4:23

Ale Daniyɛli ya a fɔ n ye tun ko n ya melika min yen yigila ka bɔ san-kole rɔ, wo ya a fɔ nun ko ka kɔlɔma tɛgɛ. Melika ya a fɔ nun fanan ko ka a ratɛgɛtɛgɛ kɔnɔ a kuri, wo ni to dugi rɔ. A ko ka nɛgɛ anubɛ silɛɛ sa a ma ka a kiri. A ko ka a gbankan to sani binyɛ tɛma. Duri ni to yigila a ma. A ni to sogenu tɛma san wɔrɔnfila kɔrɔ.”

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.