1 Ko-Kɔrɔta-Karan 29:3 - ALLALA KUMƐ

³ Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

1 Ko-Kɔrɔta-Karan 29:3 ပူးပေါင်းရင်းမြစ်များ

2 Mansɛnu 12:4

Yohasi ya Marita saraka-masɔlɛnu kele. A ya a fɔ wonu ye ko, “Wo ye wodi min sɔrɔnna sarakayɛ la Bato-Bɔn la, a mara saraka-makeleta la wo, a hɛniki-saraka wo, wo ni wodi wo ladɛn.

1 Ko-Kɔrɔta-Karan 21:24

Kɔnɔ Mansa Dawuda ya a fɔ a ye ko, “Fɔ n ba anu san i ma le serr, bawo ni n ma wusi tirindi fan minna ko la, n ti wo di Mari ma, ado itɛ le wo la.”

1 Ko-Kɔrɔta-Karan 29:2

N bara n se-koe-bɛɛ kɛ ka n taya Bato-Bon-mirannu-nyinɛ ma. Sɛnɛ wo, wodi-gbɛ wo, sila wo, nɛgɛ wo, kɔlɔma-lɔngbɔn wo, dugu-kɔrɔ-nɔnfulu-su bɛɛsi wo, kuru-lɛsɛtɛnu wo, n bara wonu nadɛn Bato-Bon sɔ-ko-wɔlɛ kɛla ko la.

1 Ko-Kɔrɔta-Karan 29:4

N ya fan minnu bɔ n nyɛrɛ gbu rɔ, wonu yatɛ le kɛnu na. N bara sɛnɛ-hakikɛ min bɔ, wola gbiliyɛ anubɛ fui-fan bɔrɔ waga kelen ani kɛmɛ lolila (1,500) gbiliyɛ rakɛn de! N bara wodi-gbɛ min bɔ, wola gbiliyɛ anubɛ fui-fan bɔrɔ waga sawa ani kɛmɛ lolila (3,500) gbiliyɛ rakɛn de! N ya wo bɛɛ labɔ alako ka Bato-Bɔn dandan yamatogon wonu na.

Yaburi 26:8

E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 84:1

E, Mari Sɛnbɛ-Bɛɛ-Tigi, i Bato-Bɔn di n ye kosɛbɛ!

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Bɔ-Koe-Iyipiti 25:2

“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye.

Luka 7:5

bawo mala mɔgɛnu di a ye kati! A kelen pe le ya mala dina-bɔn sɔ ma ye.”