1 Ko-Kɔrɔta-Karan 29:17 - ALLALA KUMƐ

¹⁷ Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

1 Ko-Kɔrɔta-Karan 29:17 ပူးပေါင်းရင်းမြစ်များ

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

1 Ko-Kɔrɔta-Karan 29:16

E, mata Mari Alla, ma ara nɔnfuli kɛ bɛɛsi ladɛn kan-tina-kelen yan tɔ ita Bɔn sɔ-koe le la alako ka i tɔgɔ-sɛnimɛ gbiliya, ado kɛ dama bɔra ile le kɔɛn rɔ. Ile letan ye a dama la.

1 Ko-Kɔrɔta-Karan 29:18

Ma benba Iburayima anubɛ Isiyaka anubɛ Yakobata Mari Alla, alamɛ i ya a ma, ita mɔgɛnu ni to anu sɛbɛ donna i wara-koe ma. Anu kana bɔ i kɔma mumɛ!

1 Ko-Kɔrɔta-Karan 29:9

Mɔgɛnu sewanɛ ya fan wonu nabɔ Marila wɔlɛla ko la. Anu dama ya a yen min kɛ ko fen-siyamɛ wo nyɔgɔn bara bɔ, anu dama sewara anubɛ anuna mansɛ.

Yaburi 15:2

Min bi Alla sako mumɛ bɛɛ kɛla ka ko-latelennɛ kɛ wati bɛɛ rɔ, ado a ti foninya fɔ.

Yaburi 17:3

Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Yaburi 51:6

Kɔnɔ ile ye nyinina min ma n yisi rɔ fɔ ko-latelennɛ anubɛ tonyɛ dɔrɔn. I ni n sɔndɔmɛ lafa ita hɛnkilimayɛ la.

Yaburi 51:8

Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Hɛnkilimaya-Kumɛnu 11:20

Minnu miri bɛnnɛ ko-yogomɛ ma, wonu ma di Mari ye kɔnɔ mɔgɔ-telennɛnu di Mari ye.

Hɛnkilimaya-Kumɛnu 16:2

Mɔgɔ kɛ-nya kin a nyɛrɛ ya la kɔnɔ Mari wo ma fili ma sɔndɔmɛ ma.

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Hɛnkilimaya-Kumɛnu 21:2

Mɔgɛ ya a lɔn ko a ye koe min bɛɛsi ladanna a nyɛrɛ ma, wo latelenta kɔnɔ Mari le ya ma yisirɔ-koenu lɔn.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɔni 1:47

Yisa ya Nataniyɛli yen nala a wara tumɛ min, a ya kɛ fɔ ala ko la. A ko, “Ma benba Isirɛla bɔnsɔn mɔgɔ-bɛrɛ le ye nala kɛ la. A raduni ma hali doni!”

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

1 Tɛsalonaika 2:10

Ma siginɛ wo fɛ tumɛ min, ma sɛninyanɛ, ma telennɛ, fɛɛ ma taran ma la wole dɛnkɛninya-mɔgɛnu tɛma. Wo nyɛrɛ le wo sereyɛ la anubɛ Alla.

Failiman 1:20

Woletɔ n na-kelen-nyɔgɛ, i yandi, i ni ko-kɛndɛ kelan kɛ kɛ n ye Marila ko la. I ni nde lasewa, i na-kelen-nyɔgɛ Kirasiti rɔ!

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”