1 Ko-Kɔrɔta-Karan 29:15 - ALLALA KUMƐ

¹⁵ E, Mari, i ya a lɔn ko sundan le ma la duninya kɛ rɔ yan iko ma benbanu bi nya min nun. Saya masangba tina sa ma bolo. Ma ye yan iko ninɛ.

1 Ko-Kɔrɔta-Karan 29:15 ပူးပေါင်းရင်းမြစ်များ

Ko-Dabirɛnu 21:34

Iburayima ya tele siyaman bɔ Filisitinuna nyamanɛ rɔ.

Ko-Dabirɛnu 23:4

“Sundan le nde la min siginɛ wole Hɛtinu tɛma. Wo ni dugu-kundu-nɛ di n ma alako n ni nna furi togon nyɔ.”

Ko-Dabirɛnu 28:4

Alamɛ ma fa Iburayimata duwɛ tora wobɛ i bɔnsɔnnu ye. Alla ya lanyiri kiri i benba Iburayima ye nyamanɛ kɛ minna ko la, alamɛ wo mara iletɛ la.”

Ko-Dabirɛnu 36:7

kamasɔrɔn anuna kolo-fannu siya. Anu ti ke sigila anu nyɔgɔn fɛ bawo anu siginɛ nyamanɛ kan tinɛ min tɔ, anu ti kun nyɔ rɔ.

Ko-Dabirɛnu 47:9

Yakoba ya a fɔ mansɛ ye ko, “N bara san kɛmɛ ani san bi-sawa (130) bɔ kɔnɔ hali wo, n ma kɔrɔya wɛ iko n benbanu. Kɔnɔ san kɛ mumɛ bɛɛ mara n tɔrɔya-san le la.”

1 Ko-Kɔrɔta-Karan 29:14

“Kɔnɔ hali wo, malebɛ nta mɔgɛnu ma ke fenfen dila i ma kamasɔrɔn kɔ-fan bɛɛ ye bɔla ile le kɔɛn rɔ. Male ye fan min sɔrɔnna i bolo, male ye wo le lasɛgila i ma.

1 Ko-Kɔrɔta-Karan 29:16

E, mata Mari Alla, ma ara nɔnfuli kɛ bɛɛsi ladɛn kan-tina-kelen yan tɔ ita Bɔn sɔ-koe le la alako ka i tɔgɔ-sɛnimɛ gbiliya, ado kɛ dama bɔra ile le kɔɛn rɔ. Ile letan ye a dama la.

Yobu 14:10

Kɔnɔ hadama-dan wa faga, a wara-koe ara ban. A wa a niyi layigi, atɛ ara ban sa!

Yobu 14:2

Anu si koloya kɔnɔ anu ti mɛ. Anu ma si fɔsɔ iko kɔn-fere. Iko ninɛ, anu si tunu yen!

Yobu 8:9

bawo male sɔrɔn-san le, ado ma hɛnkili dafani ma. Maleta wati manɛ tele-dande la duninya kɛ rɔ iko ninɛ si tenbi nya min.

Yaburi 102:11

N siyi-fɛ ara wuruya iko wurala-ninɛ. N bara gbala n kin kun na iko bin-gbalɛ.

Yaburi 119:19

Sundan le nde la dugu-kole kɛ kuma. I yandi, i kana ila tɔnnu dogon n ma.

Yaburi 144:4

Hadama-dan-niyi mani de iko ni-lafɛ kelan i yala. A si tunu yen, iko ninɛ.

Yaburi 39:12

Mari, nta madiyali-kan lamɔɛn. I ni i wɔlɔ matɔlɔ n di-kɛ-kan la. N tenbi dila, i ni na n dɛnbɛ. Sundan le nde la i bolo wati-kundu-ni kɔrɔ iko n benbanu bi nya min nun.

Yaburi 39:13

I masɛgi n na alako n ni sewa tun. A ti mɛ tun, n si a fesakɔrɔ ka faga.

Yaburi 90:9

Ma siyi-fɛ si wuruya ila diminyɛ bolo ha ma ni faga. Ma niyi mani de iko ni-lafɛ-kelan.

Makawandili Kumɛnu 6:12

Yon si mɔgɔ-munanfaga-koe lɔn duninya kɛ rɔ min tagbɛlɛ? Bawo mɔgɔ siyi-tele kunduyani de iko ninɛ. Yon si i kan-kɔma-koe lɔn duninya kɛ rɔ ni i fagara?

Saraka-Masɔlɛnuta Tɔnnu 25:23

“Wo kana wola duginu mayira wo ta-nyɔgɛnu ma alako a ni to anu bolo habadan bawo wota ma. Nde, Maritɛ le dugi mumɛ bɛɛ la. Ile mintan a la, i mani de iko sundan kɔnɔ n sɔnta a ma i ni wɔli a rɔ.

Yemesi 4:14

Wo ma a lɔn defan, wo niyi si ma nya min sina! Wo mani de iko duri min si yigi ka wati-ni bɔ, wo kɔma, a ni tunu yen!

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.