1 Ko-Kɔrɔta-Karan 29:10 - ALLALA KUMƐ

¹⁰ Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:10 ပူးပေါင်းရင်းမြစ်များ

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 33:20

Yakoba ya saraka-mintan-tinɛ sɔ nyɔ ka a tɔgɔ sa “Isirɛlata Alla Sɛnbɛ-Bɛɛ-Tigi Le.”

1 Mansɛnu 8:15

A ko, “Gbiliyɛ ni di Isirɛlata Mari Alla ma bawo a ya lanyiri min kiri n fa Dawuda ye, a ara wo latɔnbagaya. A ya a fɔ n fa ye nun ko,

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

1 Ko-Kɔrɔta-Karan 29:9

Mɔgɛnu sewanɛ ya fan wonu nabɔ Marila wɔlɛla ko la. Anu dama ya a yen min kɛ ko fen-siyamɛ wo nyɔgɔn bara bɔ, anu dama sewara anubɛ anuna mansɛ.

2 Ko-Kɔrɔta-Karan 31:8

Mansa Hɛsakaya anubɛ ala mɔgɔ-banu ya a yen min kɛ ko nyamanita-mɔgɛnu bara na kɛ nyɔgɔn sufa la, anu ya Mari tanto ka Marita mɔgɛnu matɔgɔ fanan.

2 Ko-Kɔrɔta-Karan 6:4

A ko, “Gbiliyɛ ni di Isirɛlata Mari Alla ma bawo a ya lanyiri min kiri n fa Mansa Dawuda ye, a ara wo latɔnbagaya. Bawo a ya a fɔ n fa ye nun ko

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Nihɛmaya 8:6

Ɛsira ko, “Mari tanto, Alla-makawanɛ, kɔni.” Mɔgɛ bɛɛ ya a bole layɛlɛ san ma. Anu ko, “Yo!” Wo kɔma, anu dama ya anu maburun dugi ma ka Alla bato.

Yaburi 138:1

N si baraka bira ile Mari ye n yisi bɛɛ la. N si ile matɔgɔ bɛsi-fuyinu yala.

Yaburi 146:2

Fananta n bi n niyi la, n bi a matɔgɔla. N si bɛti bɔ nta Alla ye n siyi-tele-bɛɛ kɔrɔ.

Yaburi 22:26

Bolo-kolɔnnu si fa iko a di anu ye nya min. Minnu bi nala Mari bato tinɛ, wonu si a tanto. Alamɛ anu taranta anu diya anu siyi-tele-bɛɛ rɔ.

Yaburi 57:6

N yogenu ya gbɛrɛ min nasigi n ye wo ya n yigi tɛgɛ son! Anu ya denkɛ sin nta kilɛ la kɔnɔ anu denu-denu buira denkɛ wo rɔ.

Yaburi 89:52

Tantolɛ ni to dila Mari ma tolon! Amina! Amina!

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Isikiyɛli 3:12

Wo kɔma, Marita Sɛnbɛ ya n bi tugbɛ! Marita gbiliyɛ ye bɔla tumɛ min, n ya kuman-kan-belebele-wɛ lamɔɛn n kɔma.

Daniyɛli 2:20

“Hɛnkili-tigi anubɛ fanka-tigi le ale Alla la. Woletɔ n si ale tanto burubukai!

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Luka 11:3

I ni bita dɔn-fan di ma ma.

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

Romu 8:15

Wo ti wo ma yɔɔn la min si a ma, wo kuma ni kɔ kɔnɔ a ara wo ma a diyana-dannu na. Nba, Allata Ni-Sɛnimɛ baraka rɔ, ma ye dila Alla tole tɔ ko, “N Fa! N Fa!”

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Tɔn-Fɔɛ-Fila-Nyɔgɛ 32:3

N si Mari Alla tɔgɛ tanto. Ata mɔgɛnu si a tanto ata kabana-koela ko la.

Filipai 4:20

Gbiliyɛ ni di ma Fa Alla ma habadan! Amina!

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

Lankɛnimayɛ 5:12

Anu ya a fɔ anu kulu-mayɛlɛnɛ la. Anu ko, “Saga-dan min fagara kɛ, wo le si ke sɛnbɛ anubɛ nɔnfuli anubɛ hɛnkili anubɛ fanka anubɛ bonyɛ anubɛ gbiliyɛ anubɛ tantolɛ bɛɛ sɔrɔnna!”