1 Ko-Kɔrɔta-Karan 28:8 - ALLALA KUMƐ

⁸ “Nba, wole nna mɔgɛ minnu nadɛnnɛ Isirɛla nyamanɛ kɛ rɔ mata Mari Alla yala kaka, wo ni a ma wo fɛrɛma. Wo ni ale wota Mari Allata tɔnnu bira. Wo si a ma, nyamanɛ kɛ ni ma wo halalɛ la. Hali wo mamanɛnu, a ti bɔ anu bolo mumɛ!”

1 Ko-Kɔrɔta-Karan 28:8 ပူးပေါင်းရင်းမြစ်များ

1 Ko-Kɔrɔta-Karan 28:7

A ya a fɔ tun ko a si a ma, nna danla mansayɛ ti ban mumɛ! Alako tun nna dan wo ye ata tɔnnu birala a kilɛ fɛ iko a ye a mala nya min kɛ la kaka.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Ɛsira 9:12

Nɛbi wonu ya a fɔ ma ye ko furu-nyɔgɔnya kana don mabɛ mɔgɛ kɛnu tɛma. Anu ko, ni a sɔgɛ ye ma la, ma ni nyamanɛ kɛ diya bɔ, ma kana mɔgɛ kɛnu dɛnbɛ yarɔma-tɛ rɔ. Anu ko ni ma ma wo ma, ma ti ke nyamanɛ kɛ mala ma kegeyɛnutɛ la.

Yaburi 119:27

A sɔgɛ ye i la, n ni min ma, n dɛnbɛ alako n ni wo lɔn. Wo kɔma, i wara ita kabana-koe minnu kɛ n ye, n si n miri wonu ma.

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Yaburi 119:44

N si to ita tɔnnu birala dɛɛ! N si wo ma burubukai!

Bɔ-Koe-Iyipiti 23:13

“Wo kana bɛsɛnu kɔ, hali anu wara-ko-kumɛ kana taran wo da rɔ. N bara min bɛɛsi fɔ wo ye kɛ la, wo ni a ma wo fɛrɛma wonuna ko la.”

Hɛnkilimaya-Kumɛnu 13:22

Mɔgɔ-nyimɛ mamanɛnu si do sɔrɔn a kɛɛ rɔ kɔnɔ hakɛ-tiginu bolo-fannu bi tola mɔgɔ-latelennɛ denu ye.

Hɛnkilimaya-Kumɛnu 3:1

nna den, i kana nyina nna karan ko. I ni nna kumɛnu namara i yisi rɔ.

Aiseya 34:16

Wo ni Marita dali-fannuta buku bi ka a karan. Nima-fan kɛ su bɛɛ si taran nyɔ. Nima-fan bɛɛnubɛ ala musi si taran nyɔ. Mari nyɛrɛ ara ban a latɛgɛla wo nya na le. Ale nyɛrɛ-nyɛrɛ le si anu kele nyɔ.

Kɛwɔlɛnu 10:33

Nba, n ya anu nata i ma kelenna, ado i na-koe kɛ ara i sɔn-nyimɛ yira n na. Awa kaka, Mari ara i sɔ min fɔ tinɛ, ma dama ye i makɔnɔna Mari Alla yakɔrɔ yan ka wo bɛɛ lamɔɛn.”

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

Tɔn-Fɔɛ-Fila-Nyɔgɛ 27:1

Musa anubɛ ala mɔgɔ-banu ya a fɔ Isirɛla mɔgɛnu ye ko, “Ma ye nala min fɔla wo ye kɛ la bi, wo ni wonu bira.

Tɔn-Fɔɛ-Fila-Nyɔgɛ 29:10

Wola kun-tiginu wo, wola mɔgɔ-banu wo, keinu

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:26

“San-kole anubɛ dugu-kole si ma n sereyɛ la bi. Ni wo ma nna kumɛ bira, wo wa Yorodan bɛ tɛgɛ tumɛ min ka ta lanyiri-nyamanɛ wo rɔ, wo ti mɛ nyamanɛ wo rɔ! Wo si tunu yen!

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 5:32

Musa ya a fɔ anu ye tun ko, “N ya a fɔ wo ye ko ni wota Mari Alla ya fenfen fɔ wo ye, wo ni kɛwɔlɛ kɛ wo la. Wo kana tɔn kɛ do-wo-do masɔsɔ.

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Yasowa 24:20

Ni wo ya bɛsi-wo-bɛsi kɔ ka wo ban Mari la, a si wo tɔrɔya ata fondo-bɔɛ la. A ya ata ko-nyimɛ min kɛ wo ye nun fɔlɔ, a si wo halaki wo gbɛ rɔ.”