1 Ko-Kɔrɔta-Karan 28:2 - ALLALA KUMƐ

² Mansa Dawuda ya a lakɔɛnma ka a fɔ anu ye ko, “Nna nyamanita-mɔgɛnu, wo ni wo tole masɔ n na. A sɔgɛ ye n na nun, n ni bɔn sɔ Marita tɔn-kenkirɛla ko la. Wo si ma mata Mari Alla mayigi tinɛ la. N bara fen-siyaman nadɛn nun bɔn wo sɔ-koe rɔ.

1 Ko-Kɔrɔta-Karan 28:2 ပူးပေါင်းရင်းမြစ်များ

Ko-Dabirɛnu 48:2

Anu ya a fɔ Yakoba ye ko, “Ila den Yusufu ara na.” A ya wo lamɔɛn tumɛ min, a ya a ragbɛlɛya ka a lasɔ ka a sigi.

1 Mansɛnu 1:47

ado min sanɛ wo kuma, mansɛla mɔgɔ-banu tara ka duwa Mansa Dawuda ye ko Silamɛni ni tɔgɔ sɔrɔn ka tenbi atɛ la. Ala mansayɛ ni koloya atɛ ko. Wo kɔma, mansɛ ya a madu ala sa-fan rɔ ka baraka bira Alla ye.

1 Mansɛnu 5:3

“I ya a lɔn ka a tɛgɛ kɛlɛ-nyagbɛ ma, n fa Dawuda ma fɛrɛ sɔrɔn ka bɔn sɔ ata Mari Alla ye. Ha Alla ara a yoge bɛɛsi nɔ, a ma ke Mari Bato-Bɔn sɔla.

1 Ko-Kɔrɔta-Karan 17:4

“Ta a fɔ nna wɔli-kɛla Dawuda ye ko ale ti nna bɔn sɔ.

1 Ko-Kɔrɔta-Karan 22:14

N bara n taya Bato-Bɔn sɔ-miran wara-koe rɔ. N bara sɛnɛ min nadɛn, wonubɛ fui-fan bɔrɔ waga bi-lolila (5,000) gbiliyɛ rakɛn de! N bara wodi-gbɛ min nadɛn, wonubɛ fui-fan bɔrɔ waga kɛmɛ lolila (50,000) gbiliyɛ rakɛn de! N bara nɛgɛ-kundi anubɛ silɛɛ minnu nadɛn, wonu siya. Dan sa a la. N bara kɔlɔmanu anubɛ kurinu nyini kɔnɔ fɔ ile fanan ni do nyini tun.

1 Ko-Kɔrɔta-Karan 22:6

Mansa Dawuda ya ala den Silamɛni kele alako a ni Isirɛlata Mari Alla Bato-Bɔn sɔ-koe fɔ a ye.

1 Ko-Kɔrɔta-Karan 22:7

Silamɛni nanɛ, a fa ya a fɔ a ye ko, “Nna den, a sɔgɛ ye n na nun ka nta Mari Alla gbiliya ka ata Bato-Bɔn sɔ.

1 Ko-Kɔrɔta-Karan 6:31

Mansa Dawuda ban tɔn-kenkirɛ ladonna Marita Fani-Bɔn la, a ya mɔgɛ donu yabɔ minnu si to fɔli-fan kɛla a rɔ nyɔ rɔ.

2 Ko-Kɔrɔta-Karan 6:7

Mansa Silamɛni ya a fɔ tun ko, “Isirɛlata Mari Alla Bato-Bɔn sɔ-sɔgɛ ye n fa Mansa Dawuda la nun

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 132:14

A ko a ye a fɛ, a ni to sigini nyɔ habadan! A si maralɛ kɛ nyɔ le.

Yaburi 132:2

A ya a dakan-don ile Yakobata Alla-makawanɛ ye. I ni i fonde to lanyiri wo ko.

Yaburi 22:22

Nna mɔgɛnu ba anu nadɛn i bato tinɛ tumɛ min, n si n dantɛgɛ anu ye ka i tanto anu bɛɛ yala.

Yaburi 99:5

Tantolɛ ni di mata Mari Alla ma. Wo ni a bato ala mansaya-waganɛ yakɔrɔ bawo a sɛninyani de!

Aiseya 60:13

Lɛbanan kɔlɔma-kuru-wɛnu si ma itɛ la. Nyɔ-kɔlɔma-nyimɛnu si anu kun sa ile soe ma. A ko ila mɔgɛnu si ale Mari Bato-Bɔn lakinya wonu na. Ale Mari ye a tɔntɛ sɔla ile Yerusalɛm min tɔ, a ko gbiliyɛ ti dasa nyɔ ma.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Nimisa Koe 2:1

N Tigi Mari ya ala diminyɛ burun Yerusalɛm kuma iko banda-finyɛ. A ara Isirɛla mɔgɛnuna fen-kolomɛ bɛɛ to fu! Ata diminyɛ ara a ma, hali a Bato-Bɔn, a ara a kɔɛn bɔ wo wara-koe rɔ feufeu!

Isikiyɛli 43:7

“Ile hadama-dan, nta mansaya-waganɛ le bɔn kɛ la. N si sigi yan Isirɛla mɔgɛnu tɛma ka to anu kun na yan tolon! Ka bɛsɛnu kɔ wo, ka anuna mansɛnu togon yan bara la wo, wo do-wo-do ti n tɔgɔ-sɛnimɛ lafɛya tun, a mara a Isirɛla mɔgɔ la wo, a mara a mansa la wo.

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Kɛwɔlɛnu 7:49

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan tina nyuman tɔ?

Tɔn-Fɔɛ-Fila-Nyɔgɛ 17:15

ni Mari ya min yabɔ wo ye, wo si wo sigi. Mansɛ wo si ma Isirɛla mɔgɔ-bɛrɛbɛrɛ la, a kana ma sibolo-gbɛrɛkɛ-mɔgɛ la de!

Tɔn-Fɔɛ-Fila-Nyɔgɛ 17:20

Fananta a ye tɔn wonu karanna, a si a lɔn worɔ ko anubɛ Isirɛla mɔgɛ toenu, kelen de anu na. A ma tenbi anu na nya-wo-nya. Min sanɛ wo kuma, a ti Marita tɔnnu fanan tinya mumɛ! Wo si a ma, a ni mɛ mansayɛ la. Hali ala dannubɛ a mamanɛnu anubɛ a kegeyɛnu si a gbɛ bi Isirɛla mɔgɛnu kuma.