1 Ko-Kɔrɔta-Karan 28:18 - ALLALA KUMƐ

¹⁸ Sɛnɛ-hakikɛ min nyɔgɔn yatɛ la si dan isɛnti mintan tinɛ la wo, anubɛ melikala muninya filɛta kirindi min na si dan Marita tɔn-kenkirɛ kuma wo, mansɛ ya wonu yira a la.

1 Ko-Kɔrɔta-Karan 28:18 ပူးပေါင်းရင်းမြစ်များ

1 Mansɛnu 7:48

Mansa Silamɛni ya miran minnu nadan sɛnɛ la Mari Bato-Bɔnla ko la, wo le kɛnu na, isɛnti mintan tinɛ wo, tebulu wo anu si Marita biredi-sɛnimɛ sa min kuma,

1 Ko-Kɔrɔta-Karan 28:17

Sɛnɛ-hakikɛ min nyɔgɔn yatɛ si bɛn Bato-Bon-miran-mɛsɛ-yirika ma, a ya wonu yira a la. A sogo-sɔgɔ-fen wo, a ku-musu wo, a yi-lafa wo, a pileti wo, kɛnu nadannɛ sɛnɛ wo le tɔ. Wodi-gbɛ ye pileti wonu fanan ma.

Yaburi 18:10

A sigira melika-sufa do la. Wo tora a buri-wɛ kɛla a la fɔnyɔ rɔ duninya kuma.

Yaburi 68:17

N tigi ye bɔla Sinayi wulɛ rɔ ka ta a Bato-Bɔn la. A si na kirindi waga-yirika-siyaman na a bolo.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Hiburunu 9:5

Melikala muninyɛnu sɔnɛ kenkirɛ wo da-latogɔn kuma. Wonu bi Allata gbiliyɛ yirala. Anu kanbannu tafulennɛ kenkirɛ da-latogɔn kuma mɔgɛnu hakɛ yama si togon kan min. Hali n ma koe wo bɛɛ faranfasi kelen-kelenyɛ ma kaka.

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.