1 Ko-Kɔrɔta-Karan 28:11 - ALLALA KUMƐ

¹¹ Mansa Dawuda ya Bato-Bɔn sɔ-bole yira ala den Silamɛni na. A fen namara tina wo, a konko wo, katarala Sɛnima-Sɛnima-Tinɛ ma, hakɛ yama si togon kan min.

1 Ko-Kɔrɔta-Karan 28:11 ပူးပေါင်းရင်းမြစ်များ

1 Mansɛnu 6:10

Anu ya konko wonu tugun tala Bato-Bɔn tɔnkɔn sawɛ la kundulasɛ-hakikɛnu na fanan ka bɔ Lɛbanan nyamanɛ rɔ. Anu ya konko wo bɛɛsi sɔɛ ma nunkan-nya loli-loli la.

1 Mansɛnu 6:3

A dandan-kɔrɛ lɔngbɔn anubɛ bɔn kɔnɛ rakɛn de! Dandan-kɔrɛ wo lɔngbɔn ya nunkan-nya mogan bɔ. A kɔnɛ ya nunkan-nya tan bɔ.

1 Ko-Kɔrɔta-Karan 28:12

A ya a kata sɔ-bole yira a la fanan iko a ya a miri a ma nya min nun. Kɔ-fan minnu dantɛgɛnɛ Mari ma, wonu namara tina wo, Bato-Bon-miran namara tina wo, a ya wonu fanan sɔ-bole yira a la.

1 Ko-Kɔrɔta-Karan 28:19

Mansa Dawuda ya a fɔ ko, “Mari nyɛrɛ ya bɔn sɔ-bole yira n na nya min, n bara a sɛbɛ wo nya na le kɛ la.”

2 Ko-Kɔrɔta-Karan 5:7

Anu ban saraka-bɔɛ wo la, saraka-masɔlɛnu ya Marita tɔn-kenkirɛ wo ladon Bato-Bɔn la ka a sigi melikanuna muninyɛ wonu kɔrɔ Sɛnima-Sɛnima-Tinɛ rɔ.

Nihɛmaya 13:5

Bato-Bɔn wo konko-fulan-bɛ do ye nyɔ, fui-fen-sarakɛnu wo, isɛnti wo, Bato-Bon-mirannu wo, saraka-masɔlɛnu niyi wo, fui-fen-yakanu wo, minni-fen-yakanu wo, anubɛ tulu-yakanu anu bi min dila Lifayinu anubɛ Bato-Bon-fɔli-kɛlɛnu anubɛ a da-makandannɛnu ma, wonu namara tinɛ le konko wo la. Ilayasibu sɔnta Tobayata fen namara koe ma nyɔ.

Bɔ-Koe-Iyipiti 25:40

Wo ni a ma wo fɛrɛma a ladan tinɛ. N ya a ladan-nya yira i la nya min kɔnkɛ kuma, anu ni anu nadan wo nya feu!”

Bɔ-Koe-Iyipiti 25:9

Wo ni Fani-Bɔn wo ladan anubɛ a fɛ-mirannu iko n bi a yirala wo la nya min.”

Bɔ-Koe-Iyipiti 26:30

Anu ni nta Fani-Bɔn sɔ iko n bara a ladan-bole yira ile Musa la nya min kɔnkɛ kɛ kuma. Yorolan Wara-Koe

Yɛrɛmaya 35:2

A ko n ni ta kuma Rɛkabu kebilɛ ye. N ni anu bi ka ta anu na Bato-Bon-konko do la ka nɔnbɔ-gbɔ-yi di anu ma.

Isikiyɛli 40:15

Tenbi-bolɔn wo lɔngbɔn ka a bi a don-dɛ ma ka ta ke a konko-laban ma, a ya wo suman. A bɛnta nunkan-nya bi-loli ma.

Luka 21:1

Yisa ye Alla-Bato-Bɔn la tumɛ min, a ya nɔnfulu-tigi donu yen, anu bi anuna kɔ-fannu sala wodi sa tinɛ rɔ nyɔ.

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”