1 Ko-Kɔrɔta-Karan 27:33 - ALLALA KUMƐ

³³ Mansɛ makawandilɛ do le ale Ahitafɛli fanan na. Mansɛ diyana-mɔgɛ anubɛ a hɛnkili-kɔlɛ le Husayi la min bɔra Araka soe burɔ.

1 Ko-Kɔrɔta-Karan 27:33 ပူးပေါင်းရင်းမြစ်များ

2 Samuwɛli 15:12

Abasalɔm don ala saraka-bɔɛ rɔ, a ya kilayɛ lata Ahitafɛli ma Kailo soe burɔ. Mansa Dawuda makawandilɛ do le wo la. Abasalɔm ara yanfɛ min kiri a fa kan ma, a ara fɔlɔla fanka sɔrɔnna wo rɔ. Abasalɔm gba-fɛ-bilalɛnu tora siyayala.

2 Samuwɛli 15:32

Mansa Dawuda ke Alla bato tinɛ do ma kɔnkɛ wo kun tɛma, a diyana-mɔgɔ-bɛrɛbɛrɛ Araka soe kɛ Husayi, wo ya a taran nyɔ. Wo ye kela a ma tumɛ min, ala duruki rafaranɛ, gbangban ye a kunyɛ rɔ.

2 Samuwɛli 15:37

Mansa Dawuda diyana-mɔgɛ Husayi sɛgira tumɛ min, anubɛ Abasalɔm ya anu nyɔgɔn bɛn soe burɔ.

2 Samuwɛli 16:23

Ahitafɛli ya Abasalɔm makawandi ko-wo-ko la, a si wo bira iko Alla nyɛrɛta kumɛ. Mansa Dawuda anubɛ Abasalɔm mɔgɔ filɛ bɛɛ lara le ala makawandili-kumɛ la nun.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

1 Mansɛnu 4:5

Netanna den Asaraya, wo ye sigisɔn-mansɛnu kun na. Netanna den, Saraka-Masɔla Sabudi, wo le mansa-makawandilɛ la.

1 Ko-Kɔrɔta-Karan 27:32

Mansa Dawuda fa na-kelen-nyɔgɛ min tɔgɛ Yonatan, makawandi-kɛla-nyimɛ anubɛ kɛdi-sɛbɛlɛ le ale la. Mansɛla dannu karannɛ le ale Yonatan anubɛ Hakimɔnila den Yɛhiyɛli la.

Yaburi 55:13

kɔnɔ n bara tɛrɛna n diyana-mɔgɛtɛ le la.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.