1 Ko-Kɔrɔta-Karan 26:32 - ALLALA KUMƐ

³² Mansa Dawuda ya wonubɛ a na-kelen-nyɔgɔ-hɛnkilima mɔgɔ waga fila ani mɔgɔ kɛmɛ wɔrɔnfila (2,700) yabɔ ka wonu sigi Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ kun na Yorodan bɛ tele-bɔɛ wara la. Anu siginɛ Isirɛla mɔgɛ wonu kun na ka mansɛta wɔlɛ anubɛ Marita wɔlɛ kɛ.

1 Ko-Kɔrɔta-Karan 26:32 ပူးပေါင်းရင်းမြစ်များ

1 Ko-Kɔrɔta-Karan 12:37

Kɛlɛ-dan minnu bɔra Yorodan bɛ tele-bɔɛ wara la, Rubɛn bɔnsɔn, anubɛ Kadi bɔnsɔn anubɛ Manasa bɔnsɔn-talɛ, kɔni, wonu yatɛ bɛnta mɔgɔ waga kɛmɛ ani mɔgɔ waga mogan (120,000) ma. Wonu fanan kusan kɛlɛ-kɛ-fen-su bɛɛ la.

1 Ko-Kɔrɔta-Karan 15:12

A ya a fɔ Lifayi mɔgɔ wɔrɛ wonu ye ko, “Lifayi bɔnsɔn-mɔgɛnuna kun-tigi le wole la. Wole Lifayi bɔnsɔnnu, wo ni wo nyɛrɛ sɛninya, woletɔ wo si ke nala Isirɛlata Marita tɔn-kenkirɛ la ka a sigi kan tinɛ wo rɔ, n bara min tabɛn ala ko la.

1 Ko-Kɔrɔta-Karan 23:24

Ma ara min madan kɛnu na, Lifayi bɔnsɔn le wonu na iko anuna kebilɛ anubɛ anu bɔnsɔn ye nya min. Anu kebila-kunyɛ le dama tɔgɛ sɛbɛnɛ kɛ la. Anuna kebilɛ rɔ min siyi wa san mogan bɔ, wo si wɔlɛ do sɔrɔn Mari Bato-Bɔn la.

1 Ko-Kɔrɔta-Karan 24:31

Anu ya korɔn lakɛ anu nyɔgɔn tɛma alako ka wɔlɛ tala anu nyɔgɔn tɛma iko Aruna kegeyɛnu ya a ma nya min. Sereyɛ le Mansa Dawuda anubɛ ala mɔgɔ-banu na. Saraka-Masɔla Sedoki anubɛ Abiyatarila den Ahimɛlɛki fanan mara sereyɛ la. Saraka-masɔlɛnuna kebila-kunyɛnu anubɛ Lifayi bɔnsɔn kebila-kunyɛnu, wonu fanan mara sereyɛ la kɛ wati rɔ.

1 Ko-Kɔrɔta-Karan 27:1

Isirɛla mɔgɔ-banu anubɛ kebila-kunyɛnu anubɛ bɔnsɔn-kunyɛnu, wonu bi Isirɛla nyamanɛ kumafɛlɛnna. Karɛ-wo-karɛ, kɛlɛ-kurugba-kurɛ si bɔ kɛnu tɔ anubɛ kɛlɛ-den-kura waga mogan-ni-nani (24,000). Anu ya kɛlɛ-kurugba-kurɛ minnu sigi, wonu tɔgɛ le kɛnu na.

2 Ko-Kɔrɔta-Karan 19:11

Saraka-Masɔla-Kun-Tigi-Wɛ Amaraya si ma dina-kiti-tɛgɛla-kun-tigi la. Sumanyilala den Sebadaya min bi Yuda nyamanɛ kun na, wo si ma kiti-tɛgɛla-kun-tigi la kiti-toenu kuma. Lifayinu fananta wɔlɛ ye min na, ni kiti-tɛgɛlɛnu ya ko-wo-ko fɔ, wo ni bɛn. Wo ni wo kerinteya ka nta kumɛnu bira iko n bara a fɔ wo ye nya min kɛ la. Alamɛ Mari tora tonya-tigi fɛ!”

Yasowa 1:12

Isirɛla bɔnsɔn minnu tɔgɛ Rubɛn, Kadi, ani Manasa bɔnsɔn-talɛ, Yasowa ya a fɔ wonu ye ko,